आइजीपी नियुक्तिमा सरकारले अन्याय गरेको भन्दै अदालत गएका एआईजी विश्वराज पोखरेलको रिट निवेदनमाथि आजबाट सुनुवाइ हुने भएको छ । सरकारले तेस्रो वरियतामा रहेका धिरजप्रताप सिंहलाई प्रहरी महानिरीक्षक बनाएपछि पहिलो वरियतामा रहेका पोखरेलले अदालतमा रिट हालेका थिए ।

उनको तर्फबाट रिट लिएर कानुनी सहयोगी सुनिता रावत सर्वोच्चमा गएकी थिइन् । रिटमा वरिष्ठता मिचेर भएको बढुवा बदरको माग गरिएको छ । सोमबार दर्ता भएको रिटको सुनुवाइ बुधवार तोकिएको थियो ।

सिंहभन्दा पोखरेल १६ महिना अगाडि बढुवा भए पनि एक महिना अगाडि एआईजीमा बढुवा पाएका सिंहलाई सरकारले आइतबार आइजीपीमा नियुक्त गर्ने निर्णय गर्दै सोमबार दर्ज्यानी चिन्ह समेत लगाइसकेको छ ।

प्रकाशित समय : १६:५८ बजे