लालीगुराँस बहुउद्देश्यीय सहकारी संस्था लिमिटेडले काठमाडौंको नयाँ बजारमा नयाँ काउन्टर सञ्चालन ल्याएको छ । सो काउन्टरमा आज (सोमबार)बाट कारोबार थालिएको हो । संस्थाको यो सातौं सदस्य सुविधा काउन्टर हो ।

काउन्टरको उद्घाटनपछि संस्थाका अध्यक्ष अमरदास श्रेष्ठले सेयर सदस्यलाई सर्वसुलभ सुविधा उपलब्ध गराउन थप काउन्टर उद्घाटन गरिएको बताए । उनले उपत्यकामा अझै केही ठाउँमा सदस्य सुविधा काउन्टर सञ्चालन गर्ने योजना रहेको बताए । कार्यक्रममा संस्थाका प्रमुख कार्यकारी अधिकृत सुरेन्द्र भण्डारीले देशको सदस्यलाई थप सेवा दिन नयाँ बजारका सातौं सदस्य सुविधा काउन्टर स्थापना गरेको बताए ।

नेपालको उत्कृष्ठ सहकारी संस्थाको पहिचान दिन सफल संस्थाले थप सुविधा विस्तार गर्ने लैजाने बताए । उनले आगामी वर्षहरूमा थप नयाँ कार्यक्रम र योजनाहरु अगाडि बढाउँदै लैजाने बताए । पुल्चोकमा मुख्य कार्यालय रहेको संस्थाले यसअघि ललितपुर चापागाउँ, काठमाडौंको चाबहिल र न्युरोड, भक्तपुरको कौशलटार र चितवन जिल्लाको पर्सामा सदस्य सुविधा काउन्टर सञ्चालन गरिसकेको छ ।

भण्डारीले संस्थाले हालसम्म करिब ३ सयभन्दा बढीलाई प्रत्यक्ष रूपमा रोजगारी दिँदै आएको बताए। २०५६ भदौ १८ गते दर्ता भई असोज १५ गतेबाट कारोबार सुरु गरेको संस्था वाग्मती प्रदेशको उत्कृष्ट सहकारी हो । संस्थाले सामाजिक उत्तरदायित्वअन्तर्गत बहुउद्देश्यीय लगानीमा स्वास्थ्य क्षेत्रतर्फ लालीगुराँस हस्पिटल, शिक्षा क्षेत्रतर्फ लालीगुराँस राष्ट्रिय उच्च माविरकलेज र नेसनल एकेडेमी सञ्चालन गरिरहेको छ ।

त्यसैगरी डेरी परियोजनातर्फ चितवनको खैरहनीमा लालीगुराँस डेरी फार्म एन्ड रिसर्च सेन्टर, ललितपुरको गोदावरीमा लालीगुराँस दुग्ध प्रशोधन उद्योग, उर्जा क्षेत्रतर्फ सिन्धुपाल्चोकको लार्चामा भैरवकुण्ड हाइड्रोपावर लगायतसंघ संस्थामा लगानी गरेको छ ।

प्रकाशित समय : २१:२९ बजे