नयाँ वर्ष २०७९ को अवसरमा कनेक्ट आइपीएसले 'नयाँ इयर नयाँ युजर अफर' ल्याएको छ । यो अफर वैशाख १ गतेबाट वैशाख ३१ गतेसम्म लागू हुने बताइएको छ । अफरअन्तर्गत बैंक तथा वित्तीय संस्थाका ग्राहकले कनेक्ट आइपीएसमा अनलाइन रजिष्टर गरी, कम्तिमा एउटा खाता लिंक गरेर सो खाता बैंकबाट भेरिफाई गराउँदा खातामा एक सय रुपैयाँ पाउन सक्नेछन् ।

त्यसैगरी, ११ जना भाग्यशाली विजेताले माउन्टेन फ्लाइटको कपल टिकेट जित्ने मौका पनि प्राप्त गर्न सक्नेछन् । बैंकका ग्राहकले कनेक्ट आईपीएसको वेबसाइट वा मोबाइल एपमार्फत रजिष्टर गरी आफ्नो खाता लिं‌क गरेर नजिकैको बैंक शाखाबाट वा अनलाइनबाटै सेल्फ-भेरिफिकेसन गराउन सक्छन् ।

पहिलेनै युजर बनाएर पहिलो खाता लिंक र भेरिफाई गराउने बैंक ग्राहकले पनि सो अफरअन्तर्गत एक सय रुपैयाँ भेरिफाई गरिएको खातामा प्राप्त गर्न सक्ने बताइएको छ । अफरको अन्त्यमा छानिएका ११ भाग्यशाली विजेताको घोषणा एनसीएचएलको अफिसियल पेजबाट हुनेछ ।

प्रकाशित समय : १८:२८ बजे