गृहपृष्ठ शिक्षामा सुधार ल्याउन छात्रालाई साइकल
शिक्षामा सुधार ल्याउन छात्रालाई साइकल

बाँकेको राप्तीसोनारी गाउँपालिकाले शिक्षामा सुधार ल्याउन माध्यमिक तहमा अध्ययनरत छात्रालाई साइकल वितरण गरेको छ । कक्षा ११ र १२ मा अध्ययनरत छात्रालाई साइकल वितरण अभियान सञ्चालन गरिएको गाउँपालिका अध्यक्ष लाहुराम थारुले बताए । उनका भने, 'राप्ती सोनारीमा यसवर्ष एक हजार १७ छात्रालाई साईकल वितरण गर्ने योजना छ ।'
'यस वर्षबाट छात्रालाई साईकल वितरण गरेर यो कामको सुरुवात गरेका छौं, आगामी वर्षबाट छात्रले पनि पाउनु हुनेछ', उनले भने । गाउँपालिकाले आईतवार वडा-९ स्थित गणेश माध्यमिक विद्यालयका ७८ छात्रालाई साईकल हस्तान्तरण गरेको छ ।
विद्यालयका कुल ९७ जना छात्रालाई साइकल वितरण गर्ने योजना रहेको गाउँपालिका उपाध्यक्ष धनीकुमारी खत्रीले बताइ ।
प्रकाशित समय : १८:५८ बजे