गृहपृष्ठ भारतीय क्षेप्यास्त्र पाकिस्तानी भूमिमा खसेको दाबी
भारतीय क्षेप्यास्त्र पाकिस्तानी भूमिमा खसेको दाबी
पाकिस्तानी सशस्त्र सेनाले भारतीय क्षेप्यास्त्र आफ्नो भूमिमा खसेको दाबी गरेको छ । स्पुतनिक समाचार एजेन्सीले भारतको हरियाणा राज्यको सिरसा सहर नजिकको इलाकाबाट प्रक्षेपण गरिएको सो क्षेप्यास्त्र पाकिस्तानको पञ्जाब प्रान्तको मियाँ चान्नु सहरनजिकै पाकिस्तानी वायुसेनाले भेट्याएको बताएको छ ।
साँझ ६:४३ बजे (१३:४३ GMT) उच्च गतिको उडान भर्दै गरेको सो क्षेप्यास्त्र सेनाले पत्ता लगाएको थियो । रुसी समाचार एजेन्सीले पाकिस्तानी सशस्त्र सेनाका प्रवक्तालाई उद्धृत गर्दै बताएअनुसार सो क्षेप्यास्त्रले आफ्नो प्रारम्भिक मार्गबाट अचानक पाकिस्तानी क्षेत्रतर्फ उडेको र पाकिस्तानको एयर स्पेस उल्लंघन गरेको थियो ।
पाकिस्तानको यस दाबीप्रति भारतले अहिलेसम्म कुनै प्रतिक्रिया दिएको छैन ।
प्रकाशित समय : २०:०६ बजे
