महिन्द्रा फोर व्हीलरको नेपालका लागि एक मात्र अधिकृत विक्रेता अग्नि समूहको सहायक कम्पनी बालाजु अटो वर्क्स प्रालिले हालसालै तीन नयाँ २एस सव-डिलरहरु आफ्नो आधिकारिक ३एस डिलर लोक शुसिला अटो कन्शर्नको मातहतमा सञ्चालनमा ल्याएको छ ।

ग्राहकहरुको आवश्यकतालाई मध्यनजर गर्दै आफ्ना सेवा विस्तार गर्ने उद्देश्यका साथ बालाजु अटो वर्क्सले दर्शन मल्टी अटो भिलेज एन्ड वर्कशप, कपिलवस्तु, मैनाबगर अटोल्यान्ड, मैनाबगर र रामपुर अटो भिलेज र लक्ष्मी मोटो केयर, पाल्पा सञ्चालनमा ल्याउँदै छ ।

माननीय मुख्यमन्त्री कुलप्रसाद केसी तथा अग्नि ग्रुपका एक्जुकेटिभ डाइरेक्टर अर्जुनप्रसाद शर्माबाट यही मंसिर २ मा मैनाबगर अटोल्यान्डको उद्घाटन गरिएकाे छ । त्यस्तै, दर्शन मल्टी अटो भिलेज एन्ड वर्कशपको पनि सोही दिन बालाजु अटो वक्र्सका स्पेयर हेड तथा स्टाफका साथ सामूहिक उद्घाटन भएकाे हाे । ‘हाम्रो नेटवर्क विस्तार गर्ने क्रमलाई निरन्तरता दिँदै यी सव-डिलरहरु सञ्चालनमा ल्याएका छौँ र आगामी दिनहरुमा अझ विस्तारित सेवा प्रदान गर्ने प्रतिवद्धता जनाउँदछौँ,’ महिन्द्राका लागि प्रदेश ५, ६ र ७ का प्रोभिन्स म्यानेजर बिजेस गयामरुले बताए ।

यसका साथै रामपुर अटो भिलेज र लक्ष्मी मोटो केयरको उद्घाटन पनि केही दिनमै हुने जानकारी दिइएको छ ।

प्रकाशित समय : १४:०० बजे