ह्वावेले जलवायु परिवर्तन र ग्रीन विकासमा आसियानको सहयोगलाई सक्षम पार्न यसको डिजिटल पावर इनोभेशनको लाभ उठाउने जनाएको छ । शुक्रबार ह्वावे एसिया प्यासिफिकका अध्यक्ष जेफरी लियूले अनलाइन आसियान-चीन डिजिटल इकोनोमी डेभ्लप्मेन्ट एण्ड कोओपरेशन फोरम २०२१ मा उक्त कुरा बताएका हुन् ।

जलवायु परिवर्तन र वातावरणीय मुद्दा विश्वव्यापी चुनौती बन्दैछन् । आर्थिक मन्दी र विश्वव्यापी लकडाउनका कारण विगतका वर्षको तुलनामा कार्बन उत्सर्जनमा गिरावट आएको भए पनि अर्थव्यवस्था फेरी खुल्दा उत्सर्जन  द्रुत गतिमा गइरहेको छ । सर्कुलर अर्थतन्त्रमा परिवर्तन हुनु र दिगो विकासको प्राप्ति गर्नु अब सबै देशको साझा लक्ष्य हो । विश्वका २० वटा सबैभन्दा बढी कमजोर क्षेत्रमध्ये छ वटा आसियानका सदस्य राष्ट्रमा सम्भावित जलवायु परिवर्तनले महत्वपूर्ण क्षेत्रीय प्रभाव पारेको छ । आसियानले वर्षौंको अवधिमा विभिन्न वातावरणीय, आर्थिक र सामाजिक गतिविधिको माध्यमबाट जलवायु परिवर्तन सम्बोधन गर्ने कार्य गरेको छ । उदाहरणका लागि, थाइल्याण्डले २०३० मा उच्च कार्बन उत्सर्जन र २०६५ मा शून्य उत्सर्जन गर्ने लक्ष्य राखेको छ ।

'विश्वव्यापी रूपमा हामीलाई कार्बन न्यूट्रालिटीको लक्ष्य भएको ग्रीन औद्योगिक क्रान्ति चाहिन्छ । डिजिटल अर्थव्यवस्था बढ्दै जाँदा उत्सर्जन घटाउने गतिले देशलाई व्यापार अवरोधको जोखिम व्यवस्थापन गर्न र थप स्वतन्त्र व्यापार सम्झौता सुरक्षित गर्न मद्दत पुर्‍याउँछ,' जेफरी लियूले भने । आइसीटी प्रविधि ऊर्जा संरक्षण र अन्य उद्योगमा उत्सर्जन घटाउने महत्वपूर्ण सक्षमकर्ता हो । आइसीटी प्रविधिद्वारा सक्षम अन्य उद्योगमा कार्बन उत्सर्जनमा आएको कमी आइसीटी उद्योगले नै उत्सर्जित कार्बनको मात्रा १० गुणा बढी हुने अनुमान गरिएको छ । 

नवीकरणीय ऊर्जा प्रवद्धन गर्न ह्वावेले १७० भन्दा बढी देश र क्षेत्रमा आफ्नो डिजिटल उर्जा सोलुसन परिचालन गरेको छ । जसले विश्वको एक तिहाई जनसंख्यालाई सेवा प्रदान गर्दछ । डिसेम्बर २०२० सम्म यी सोलुसनले नवीकरणीय स्रोतबाट ३२५ बिलियन किलोवाट बिजुली उत्पादन गरेको छ र कुल १० बिलियन किलोवाट बिजुली बचाएको छ । यी प्रयासको परिणामस्वरूप CO2 उत्सर्जनमा १६० मिलियन टन घटेको छ । सिंगापुरमा, उदाहरणका लागि, ह्वावे फ्यूजनसोलार सोलुसनले एक सोलार सोलुसन प्रदायक सनसेप ग्रुपलाई सहयोग गरेको छ । जसले विश्वको सबैभन्दा ठूलो अफशोर फ्लोटिङ फोटोभोल्टिक फार्म निर्माण गर्दछ । १३ हजार ३१२ सोलार प्यानल, ४० इन्भर्टर र ३० हजार भन्दा बढी फ्लोटहरूको साथ यस पाँच हेक्टरमा आधारित सोलार प्लान्टले प्रति वर्ष ६० लाख २२ हजार ५०० किलोवाट उर्जा उत्पादन गर्ने अनुमान गरिएको छ । अनुमानित ४ हजार २५८ टन कार्बन डाइअक्साइड अफसेट गर्दै यस टापुमा १ हजार २५० चार-कोठा भएको सार्वजनिक आवास फ्लैटहरूको लागि पर्याप्त बिजुली आपूर्ति गर्ने छ । 

'ह्वावे ग्रीन एकीकृत आइसीटी सोलुसनको प्रवद्धन गर्न प्रतिबद्ध छ जसले अन्य उद्योगलाई उर्जा संरक्षण र उत्सर्जन घटाउन सहयोग पुर्‍याउछ,' जेफ्री लियूले भने, 'हामी आसियानसंग संलग्न भई ऊर्जा-दक्ष, इको-फ्रेन्डली लो-कार्बन समाजको लागि कार्बन फुटप्रिन्ट कम गर्न स्वच्छ उर्जा उत्पादन, विद्युतीय यातायात र स्मार्ट उर्जा स्टोरेजको उपयोग गरेर सहयोग गर्नेछौं ।'