रियलमीले ‘फाइभ जी’ विकासका लागि अपग्रेड तथा विश्वमा अधिकतम् प्रयोगकर्तालाई प्रविधिमा जोड्ने योजना बनाएको बताएका छन् । कम्पनीका प्रमुख कार्यकारी अधिकृत स्काई लिले ‘फाइभ जी’ लाई लोकप्रिय बनाउन ‘फाइभ जी’ प्रक्षेपण वृद्धि गर्ने र आगामी २ वर्षभित्र पूर्ण रुपमा उच्च प्रदर्शनका साथ ७० प्रतिशत ग्राहकमाझ पु¥याउने लक्ष्य राखेको बताएका हुन् ।

सीइओ लिलेका अनुसार पहिलो चरणमा भारत तथा दक्षिण एसिया र युरोपका बजारमालाई प्राथमिकतामा राखेर फाइभ जी उत्पादनको बजार व्यवस्थापन गर्ने योजना बनाएको उनले बताए । उच्च गति एवं कमविलम्वताका साथ गुणस्तरीय अनुभूतियुक्त फाइभ जी प्रविधिको सेवा प्रदान गर्नु नै कम्पनीको उद्देश्य रहेको छ । त्यस्तै रियलमीले विशेषग गरी आफ्ना युवा प्रयोगकर्तालाई प्राथमिकतामा राखेर विश्वभर सातवटा फाइभ जी समर्पित खोज तथा अनुसन्धान समूह स्थापना गरी ९० प्रतिशत खोज तथा अनुसन्धानको स्रोत साधनसहित थप ३ करोड अमेरिकी डलर फाइभ जी प्रविधिको विकासमा खर्च गर्ने तयारी गरेको छ । 

विश्वको सातौँ ठूलो र तीव्र बजार विस्तार गर्दै गएको स्मार्टफोन कम्पनी रियलमीले ‘चुनौतीदेखि उन्नतिसम्म’ नाराका साथ द्रूत गतिमा फाइभ जी नेटवर्कको विस्तार गरिरहेको छ । पहिलो पटक २०१९ जनवरीमा फाइभ जी नेटवर्कसहितको ‘एक्स ५० फाइभ जी’  सार्वजनिक गरेलगत्तै रियलमीले विभिन्न मूल्यका रेन्जमा फाइभ जी सिरिजका स्मार्ट फोनहरु विश्वभर सार्वजनिक गर्दै आएको छ ।