सर्वोच्च अदालतको फैसलापछि छलफलमा जुटेको प्रचण्ड-नेपाल समूहले अन्तत: अलग-अलग भएर अगाडि निर्णय गरेको छ । आज पेरिसडाँडामा बसेको सो समूहको स्थायी कमिटी बैठकले एमाले र माओवादीका रुपमा अलग हुने र थप सहकार्य अगाडि बढाउने निर्णय गरेको हो ।

बैठकपछि नेता झलनाथ खनालले अलग-अलग भएर जाने निर्णय भएको उल्लेख गर्दै पार्टीभित्र संघर्ष गर्दै अगाडि बढ्ने र सर्वोच्चको निर्णयमा पुनरावलोकनको माग गरिने बताए । उनले बैठकले  औपचारिक निर्णय गर्न भने बाँकी नै रहेको जानकारी दिए । बैठकको बीचमै निस्किएका खनालले  सर्वोच्चको निर्णय भने मानेर जाने बताए ।

सर्वोच्च अदालतले आइतबार नेकपा एमाले र माओवादी केन्द्रबीचको एकतालाई मान्यता नदिई एमाले र माओवादी केन्द्रलाई ब्यूँताइदिएको थियो । सर्वोच्चले ऋषिराम कट्टेलको नेकपालाई आधिकारिक भएको फैसला सुनाएपछि रणनीति तय गर्न सोमबार प्रचण्ड-माधव समूहले स्थायी कमिटी बैठक बोलाएको थियो ।

प्रकाशित समय : ०१:०६ बजे