गुल्मी । पौदीअरेवा कृषि सहकारी संस्था लिमिटेडले चौथो वार्षिक साधारण भनाएको छ । छोटो समयमा नै ४३ लाख ९७ हजारको आर्थिक कारोबार गर्ने सफल भएको संस्थाका अध्यक्ष जीतबहादुर पाठकले बताए ।

२०७० मा तिस कृषक मिलेर शुरु गरिएको हालसम्म ११३ शेयर सदस्य रहेका छन । विविध कृषि र पशुजन्य कामका लागि एक लाखसम्म ऋण दिदै आएको छ । कृषि सहकारीले शेयर सदस्यमध्येबाट कृषि तथा पशुपालन गर्ने दुईजना उत्कृष्ट अगुवा कृषकलाई प्रोत्साहनस्वरुप सम्मानसमेत गरेको थियो ।

कृषि सहकारीले कक्षा आठ र एसएलसीमा उत्कृष्ट अंक ल्याउने तीनजना शेयर सदस्यका छोराछोरीलाई समेत नगद पुस्कारले सम्मान गरेको थियो । चौथो साधारण सभाबाट कृषि सहकारी संस्थाले आफ्नो प्रस्तावित कार्यक्रममा सहकारीमार्फत सुत्केरी भत्ता, मृत्यु संस्कार सहयोग र स्वास्थ्य उपचार कोष जस्ता थप नयाँ कार्यक्रम कृषि सहकारीमार्फत अगाडि बढाउने संस्थाका संस्थापक बुद्धप्रकाश पौडेलले जानकारी दिनुभयो ।

प्रकाशित समय : १०:४३ बजे