बुटवल- बुटवलमा प्रधान कार्यालय रहेको मिसन डेभलपमेन्ट बैंक लिमिटेडले शनिबार बुटवल–बेलहिया सिक्सलेन सडकको शंकरनगर–ड्राईभरटोल खण्डको डिभाइडरमा लगाइएका फूलका विरुवामा गोडमेल गरेको छ । बैंकले डिभाइडरमा लगाइएका फूलमा गोडमेल गर्दै थप फूलका विरुवाहरु लगाएको हो । सामाजिक उत्तरदाहित्व अन्तर्गत् सडक हरियाली प्रवद्र्धन कार्यक्रममा सहयोग गर्दै लगाइएको फूलमा गोडमेल गरिएको बैंकले जनाएको छ ।

गोडमेल, सरसफाई तथा वृक्षरोपण कार्यक्रममा बैंकका सञ्चालक, कर्मचारीहरुको सहभागिता रहेको थियो । त्यसअवसरमा तिलोत्तमा नगर प्रमुख बासुदेव घिमिरेले नगरपालिकाले अघि सारेको ग्रीन तिलोत्तमा ः क्लिन तिलोत्तमाको अभियानलाई साथ दिँदै हरियाली प्रवद्र्धनमा सहयोग गरेकोमा बैंकलाई धन्यवाद दिनुभयो । बैंकका अध्यक्ष लिलबहादुर केसी र प्रमुख कार्यकारी अधिकृत हरिप्रसाद घिमिरलेले बैंकले फूल लगाएको क्षेत्रमा तारबार समेत गर्ने जानकारी गराउनुभयो । बैंकले तीन लाख रुपैंयाँमा हरियाली प्रवद्र्धनको काम गरिएको जनाएको छ ।

प्रकाशित समय : १५:१५ बजे