राष्ट्रिय जनता पार्टी (राजपा)ले केपी शर्मा ओली नेतृत्वको सरकारले संविधान संशोधन नगर्ने निष्कर्ष निकालेको छ । केन्द्रीय कार्यालय बबरमहलमा बुधबार सम्पन्न राजनीतिक समितिको बैठकले सरकारले संविधान संशोधन नगर्ने निष्कर्ष निकाल्दै तत्काल सरकारमा सहभागि नहुने निर्णय गरेको छ ।

निर्वाचित सांसद (रेशम चौधरी)लाई अहिलेसम्म शपथ नगराएको भन्दै तत्काल सरकारमा सहभागी नहुने निर्णय राजपाले गरेको छ । यस्तै राजपाको संसदीय दलको विधान पनि राजनीतिक समितिबाट पारित भएको छ ।

राजनीतिक समितिबाट आएको सुझाव समेटेर विधान संशोधन गर्न तीन सदस्यीय समिति समेत बनाइएको छ । समितिमा लक्ष्मणलाल कर्ण, बृषेशचन्द्र लाल र सर्वेन्द्रनाथ शुक्ला छन् ।

यस्ता छन् चार निर्णय

महाधिवेशन अर्को वर्ष वैशाख ७, ८ र ९ गते गर्ने
सरकारले संविधान संशोधन नगर्ने निष्कर्ष
सरकारमा सहभागी हुन सत्तारुढ दलले गरेको प्रस्ताव अस्वीकार
प्राप्त सुझाव समेटेर विधान संशोधन गर्न तीन सदस्यीय समिति गठन

प्रकाशित समय : २१:५५ बजे