मोरङ प्रहरीले खोलाले बगाउँदा–बगाउँदै गरेको एक बालकको सकुशल उद्धार गरेको छ । बिहीबार बेलुका मोरङको केराबारी गाउँपालिका–७ र ८ को बीचमा पर्ने खदम खोलाले केराबारी गाउँपालिका–७ बस्ने अमृत दुलालका ६ वर्षीय छोरा अनसल दुलाललाई खोलाले बगाएर ल्याइरहेको अवस्थामा इलाका प्रहरी कार्यालय केराबारीबाट खटिएका प्रहरी जवान रामविनय यादव र प्रहरी जवान सुरेश थामीले सकुशल उद्धार गरेका हुन् ।

बालकलाई देखेपछि खोलामा हामफालेर बालकलाई सकुशल उद्धार गरिएको उनीहरुले बताए । बालकलाई स्थानीय स्वास्थ्य केन्द्रमा उपचार गराई उनका अभिभावकको जिम्मा लगाइएको मोरङ प्रहरीले जनाएको छ ।

प्रकाशित समय : १९:४२ बजे