धादिङको खनियाबास गाउँपालिकामा पहिरोले पुरिएर एकै परिवारका तीन जनाको मृत्यु भएको छ भने एक जना घाइते भएका छन् । लगातारको वर्षापछि गएको पहिरोमा पुरिएर साईश्वाँरा बस्ने राजकुमार गुरुङ, उनकी ३३ वर्षीया श्रीमती बसुदा, छोरीहरू १० वर्षीया लक्ष्मी र ५ वर्षीया सरस्वतीको मृत्यु भएको जिल्ला प्रहरी कार्यालय धादिङले जनाएको छ । पहिरोमा परि राजकुमारका छोरा १२ वर्षीय विकास घाईते भएका छन् । उनको किन्ताङफेदीस्थित स्वास्थ्य केन्द्रमा उपचार भइरहेको छ ।

यसैबीच धादिङकै खनियाबास ४, चिउरीबोटमा पहिरोमा पुरिएर एक दम्पत्ति बेपत्ता भएका छन् । गोठमा सुतिरहेका ६५ वर्षीय शमशेर घले र उनकी ६२ वर्षीया श्रीमती कोप्ची बेपत्ता भएका धादिङका प्रहरी उपरीक्षक डम्बर विकले जानकारी दिए । उक्त पहिरोमा परि ४ जना घाईते भएका छन् । घाईतेहरुको किन्ताङफेदीमा उपचार भइरहेको छ ।

प्रहरीका अनुसार अविरल वर्षापछि जिल्लाको नेत्रावती गाउँपालिकास्थित सत्यदेवी, मार्पाकमा पनि पहिरोले घर बगाएको छ ।

प्रकाशित समय : १३:४३ बजे