भीभोले अल न्यु भी ११ प्रो नेपाली बजारमा सार्वजनिक गरेको छ । भीभोको भी ११ प्रोमा सफल मुख्य डिजाइनका साथमा न्यु हालो फुल भ्यु डिस्प्ले राखिएको छ । यो फोन कभर्ड थ्रीडी बडीका साथमा एउटा सहज र इमर्सिभ प्रयोगकर्ताका लागि अनुभव प्रदान गर्छ, जुन स्टेरी नाइट र नेबुला फ्युजन कलर अप्सनमा आउँछ ।

भी ११ प्रो भी सिरिजको पहिलो स्मार्टफोन हो, जसमा इनडिस्प्ले फिंगर प्रिन्ट स्क्यानिङ प्रविधि प्रयोग गरिएको छ, जसले भीभोको बायोमेट्रिक सेक्युरिटीको नेतृत्वदायी क्षमतालाई निरन्तरता दिएको छ । यसका साथमा स्लिक र स्ट्यालिस डिजाइनलाई पनि उत्तिकै महत्व दिइएको छ ।

‘हाम्रो प्राथमिकतामा उपभोक्ताको मतिष्कमा आविष्कारिक अनुभव प्रदान गर्नमा केन्द्रित रहँदै आएको छ । हाम्रा प्रयोगकर्ताका लागि अधिक सहज र व्यक्तिगत मोबाइल अनुभव सिर्जना गर्नका लागि हामीले एआई पावरयुक्त भी ११ प्रो स्मार्टफोन सार्वजनिक गर्न पाउँदा हामी निकै उत्साहित भएका छौं,’ भीभो नेपालका ब्रान्ड म्यानेजर पेंगदाले भने ।

भीभो भी ११ प्रो ले भीभोको पर्फेक्टसटको खोजलाई निरन्तरता दिएको छ । उत्कृष्ट फोटोग्राफीका लागि भी ११ प्रोमा १२ मेगापिक्सेल प्लस ५ मेगापिक्सेलको ड्युल मुख्य क्यामराका साथै ठूलो एफ÷१.८ एपार्चर र १.२८ पिक्सेल छ । सेल्फीका लागि स्मार्टफोनमा २५ मेगापिक्सेलको फ्रन्ट क्यामरा छ, जसले उत्कृष्ट सेल्फी फोटो खिच्ने क्षमता राख्छ । १२ मेगापिक्सेलको मुख्य क्यामराले ड्युल पिक्सेल सेन्सरहरुलाई उच्च प्रकाश संवेदनका लागि २ करोड ४० लाख फोटो सेन्सेटिभ युनिटमा परिवर्तन गर्न सक्छ । र, केबल ०.०३ सेकेन्डमा नै फोकसलाई लक गर्नसक्ने डीएसएलआर गुणस्तरको ड्युल–पिक्सेल अटोफोकोस प्रविधि प्रयोग गरिएको छ ।

फोटोग्राफीबाहेक भी ११ प्रोले आर्टिफिसियल इन्टेलिजेन्स (एआई) मोबाइल अनुभव प्रदान गर्छ, जसका लागि भीभोको एआई असिस्ट्यान्ट जोभीको प्रयोग गरिएको छ । यसका लागि जोभी स्मार्ट सिन, गुगल लेन्स र गुगल असिस्ट्यान्ट जस्ता फिचर उपलब्ध छन् । यी अनुपम एआई फिचरका लागि भीभो भी ११ प्रोमा उच्च क्षमता भएको स्न्याप ड्रागन ६६० एआईई प्रोसेसर प्रयोग गरिएको छ भने फोनकोे कार्यक्षमतालाई उत्कृष्ट र सहज बनाउन ६ जीबी र्यामका साथमा १२८ जीबीको आन्तरिक स्टोरेज (रोम) रहेको छ ।

एन्ड्रोयड ८.१ मा आधारित भीभोको आफ्नै फन टच ओएस ४.५ (अपरेटिङ सिस्टम) र भीभोको जोभीएआई इन्जिनले सीपीयू र मेमोरी रिसोर्सलाई पहिचान गर्न सँगै कार्य गर्छ, जसले फोनमा एकैपटक कयौं कठिन कार्यका साथै मल्टिपल एप्स प्रयोग गर्न सहजता प्रदान गर्ने कम्पनीले जनाएको छ ।

भीभो भी ११ प्रोमा १९.५ः९ एस्पेक्ट रेसियोसहितको ६.४१ इन्चको सुपर एमोलेड हालो फुल भ्यु डिस्प्लेका साथमा ९१.२७ प्रतिशतको स्क्रिन–टु–बडी रेसियो छ । निकै पातलो र हलुका रहेको यो स्मार्टफोन १.७६ मिलिमिटरमात्र मोटाइ छ भने यसमा साड बेजेल्स पनि छ, यसका साथै थ्रीडी कभ्र्ड बडी डिजाइनले फोनको घुमाउरोपनालाई सशक्त बनाएर डिस्प्लेको उत्कृष्टतालाई देखाउन सफल हुने भिभोले जनाएको छ ।

नेपाली बजारमा भिभो भी ११ प्रोको बजार मूल्य ४९ हजार ४९० रुपैयाँ तोकिएको छ भने भी ११ को मूल्य ३९ सय ९९० तोकिएको छ । यी फोन बजारमा २०७५ असोज ४ गतेदेखि उपलब्ध हुनेछन् ।