पाकिस्तानमा बिहीबार भएको एक घटनामा परी कम्तीमा आठ बालबालिकाको मृत्यु भएको छ ।पाकिस्तानको सिन्ध प्रान्त अन्तर्गत पर्ने सुख्खुरमा एउटा घर भत्केर पुरेपछि उनीहरुको मृत्यु भएको स्थानीय सञ्चार माध्यमहरुले जनाएका छन् ।

घटनामा परी अन्य चार बालबालिका घाइतेसमेत भएको अधिकारीहरुलाई उद्धृत गर्दै समाचारमा जनाइएको छ ।

संवाददाताहरुका अनुसार मृत्यु भएका र घाइते भएका ती बालबालिकाहरु भत्किएको घर नजिकै खेलिरहेका थिए ।

घर भत्किएलगत्तै स्थानीय बासिन्दाले उनीहरूलाई बाहिर निकालेका थिए । उद्धार कार्यमा सरकारी उद्धारकर्ताहरू पुग्न सकेका थिएनन् ।

घटनामा परेका सवैलाई स्थानीयबासिन्दाले तत्काल स्थानीय अस्पतालमा पु¥याएका थिए । ती मध्ये आठ जनालाई अस्पतालले मृत घोषणा गरेको थियो ।

मृत्यु भएका मध्ये छ जना बालक रहेका छन् भने दुई जना बालिका छन् । उनीहरु सवै १२ बर्ष भन्दा कम उमेरका भएको समाचारमा जनाइएको छ ।

घटनामा परी घाइते भएकाहरुको अहिले पनि उपचार भइरहेको अधिकारीहरुले बताएका छन् । सिन्ध प्रान्तका मुख्य मन्त्री सिद मुराद अलि शाहले घाइतेहरुलाई पर्र्याप्त स्वास्थ्य सेवा पु¥याउन निर्देशन दिएका छन् । रासस ।