विद्यार्थी संगठनहरुले पाटन संयुक्त क्याम्पसका क्रमका निर्देशक डा. युवराज भट्टराईले बीबीएमा आफूखुसी बिद्यार्थी भर्ना गरेको आरोप लगाएका छन् । मेरिट लिष्टको आधारमा बिद्यार्थीको नाम प्रकाशन गर्नु पर्ने भए पनि निर्देक भट्टराईले नजिकककालाई प्राथमिकता दिएको अखिल (क्रान्तीकारी)का विरेन्द्र मगर (मदन)ले न्युजकारोबारलाई जानकारी दिए ।

विद्यार्थी संगठनहरुले संयुक्त रुपमा बिज्ञप्ती निकालेर निर्देशक भट्टराईको राजीनामा माग्दै उनको कार्यकक्षमा ताला लगाएका छन् । विद्यार्थीको नाम लिष्ट प्रकाशन गर्दा कोहीलाई खबर गरेको र कोहीलाई नगरे, लिष्ट प्रकाशन गर्दा रागि गरेको विद्यार्थी संगठनले आरोप लगएक छन् ।

बीबीए कार्यक्रमको निर्देशक युवराज भट्टराईले भने विद्यार्थी संगठनको आरोपमा सत्यता नभएको बताएका छन् । ‘मैले मेरिट लिष्टकै आधारमा सबैको नाम प्रकाशन गरेको छु, व्यक्तिगत रुपमा कसैलाई भर्ना गर्ने गरेको छैन,’ उनले भने । आफूलाई क्याम्पस प्रमुखले नियुक्त गरेको उल्लेख गर्दै विद्यार्थीले मागेको जवफको कुनै उत्तर दिन बाध्य नहुने उनले बताए ।

प्रकाशित समय : १९:४९ बजे