नेपाली कांग्रेसका सभापति शेरबहादुर देउवाले कार्यसम्पादन समिति गठनका लागि शीर्ष नेताको बैठक बसिरहेकाे छ । गत शनिबार बोलाइएको केन्द्रीय समितिको बैठक बस्न नसकेपछि सहमति जुटाउन सभापति देउवाले शिर्ष नेताको बैठक आफ्नै निवासमा बोलाएका हुन् ।

प्रवक्ता विश्वप्रकाश शर्माले कार्यसम्पादन समिति गठनका विषयमा छलफल गर्न सभापति देउवाले बैठक बोलाएको जानकारी दिए । कार्यसम्पादन समितिमा सभापति देउवा र नेता रामचन्द्र पौडेलबीच भागबण्डा मिलेको बताइएको छ ।

सभापति देउवाले बोलाएको शीर्ष नेताहरुको बैठक नेता कृष्ण प्रसाद सिटौलाले भने बहिष्कार गरेका छन् । तर, नेता  सिटौला पक्षले असन्तुष्ट जनाएपछि शनिबारको बैठक अन्तिम समयमा आएर स्थगित भएको थियो ।

प्रकाशित समय : १७:१८ बजे