र्‍याफ्टिङ गर्ने क्रममा बोट पल्टिँदा धनकुटामा एकजनाको मृत्यु भएको छ । आइतबार अपरान्ह ४ बजे सहिदभूमि गाउँपालिका वडा नं. १, बिरिनटारस्थित तमोर नदीमा बोट पल्दिँदा उदयपुरको त्रियुगा नगरपालिका ६ का ५४ वर्षीय रामबहादुर गुरुङको मृत्यु भएको हो ।

दुर्घटना भएको केही समयपछि उद्धार गरी सुनसरीको धरानस्थित बिपी कोइराला स्वास्थ्य विज्ञान प्रतिष्ठान पुर्याइए पनि गुरुङको उपचारका क्रममा मृत्यु भएको जिल्ला प्रहरी कार्यालय धनकुटाले जनाएको छ । डुंगामा सवार अन्य ९ जना भने सकुशल रहेको प्रहरीले जनाएको छ ।

प्रकाशित समय : १९:१३ बजे