राजधानीको भृकुटी मण्डपमा मल्टिब्राण्ड जुत्ताचप्पल सोरुम सुज ग्यालेरी संचालनमा ल्याएको छ । मुलुकका प्रतिष्ठित जुत्ताचप्पल उत्पादकहरु बिएफ डियर हिल, रन, क्रसरोड,  काेशेली, म्याजिक, टम टेलर, रोयललगायतका जुत्ता उत्पादक मिलेर भृकुटीमण्डपको रिपोर्टस् क्लवअगाडि मल्टीब्राण्ड सोरुम संचालनमा ल्याएका हुन् ।
भृकुटीमण्डपमा हुने सदावहार मेलालाई सुजग्यालरीले विस्थापित गर्ने अपेक्षा गरिएको छ । भृकुटी मण्डपमा यसअघि निरंतर जुत्ताचप्पल मेला हुँदै आएकामा पछिल्लो समय यस्ता मेला नगर्ने जुत्ताचप्पल ब्यवसायीले सहमति गरेका छन् । राजधानीमा विभिन्न ब्राण्डका जुत्ताचप्पल छानीछानी किन्न पाउने पसल नभएका बेला सुज ग्यालरीले यस्तो विकल्प दिने देखिएको छ । ग्यालरीमा बिएफ डियर हिल, रन, क्रसरोड,  काेशेली, म्याजिक, टम टेलर, रोयल ब्राण्डका जुत्ताचप्पल रोजेर किन्न पाइन्छ ।
सुज ग्यालरीले ग्राहकलाई विशेष छुटमा जुत्ताचप्पल उपलब्ध गराउने जनाएको छ । सुज ग्यालरीमा सबै भेराइटीका जुत्ताचप्पल उपलब्ध हुने छन् ।
गर्मीमा चप्पलको सिजन सुरु भएकाले दर्जनौ मोडलका जुत्ताचप्पल ग्यालरीबाटै विक्री सुरु गरिएका छन् । सुज ग्यालरीमा सहभागी कम्पनीहरुले २ हजारभन्दा बढी आधुनिक डिजाइनका जुत्ताचप्पल राखेका छन् । ग्यालरीमा पार्टी, स्पोर्टस, क्याजुअल, स्कुल, कार्यालयका युनिफर्म जुत्ता, महिलाले लगाउने चप्पल, गम बुटलगायत सबै प्रकारका जुत्ताचप्पल छन् ।
ग्यालरीमा २५० रुपैयाँदेखि १० हजार रुपैयाँसम्मका जुत्ता उपलब्ध रहेको ग्यालरी संचालकको भनाइ छ ।

प्रकाशित समय : १७:१२ बजे