डडेल्धुरामा सुविधा सम्पन्न सेमी कभर्ड हल निर्माण हुने भएको छ । अमरगढी नगरपालिका–४, खलंगामा ३२ वर्षअघि बनेको कभर्डहल गत वर्ष असार ३० गते वर्षाका कारण भत्किएपछि सी कभर्ड हल निर्माण गर्न लागिएको हो ।

डडेल्धुरा सेमी कभर्ड हलको शुक्रबार प्रतिनिधिसभा सदस्य निरादेवि जैरुले एक कार्यक्रमका बीच शिलान्यास गरिन् । कभर्ड हलको लम्बाइ ३० मिटर, चौडाइ २० मिटर र उचाइ ३० फिट हुने डडेल्धुरा जिल्ला खेलकुद विकास समितिले जनाएको छ ।

कभर्ड हलका लागि राष्ट्रिय खेलकुल परिषदले १० लाख रुपैयाँ उपलब्ध गराएको समितिका अध्यक्ष राजेन्द्रबहादुर मगरले जानकारी दिए । कभर्ड हल निर्माण सम्पन्न गर्न एक करोडसम्म लाग्ने हुँदा तीनवटै सरकारसँग समन्वय भइरहेको उनले जानकारी दिए । सेमी कभर्ड हल डेढ वर्षभित्र बनिसक्ने उनको भनाइ छ ।

प्रकाशित समय : २२:५० बजे