सिन्धुपाल्चोकको सुकुटेमा भएको बस दुर्घटनामा ज्यान गुमाउनेको संख्या १३ पुगेको छ । दोलखाको सैलुङ गाउँपालिकामा पर्ने मागा देउरालीबाट काठमाडौं आउँदै गरेको बा. २ ख ७२४५ नम्बरको बस सिन्धुपाल्चोकको चौतारा सागाचोकगढी नगरपालिका-९ सुकुटेमा दुर्घटना हुँदा १३ जनाले ज्यान गुमाएको घटनास्थलमा रहेका प्रहरी नायब उपरीक्षक डीएसपी माधवप्रसाद काफ्लेले जानकारी दिए । दुर्घटनास्थलबाट १५ जना घाइतेको उद्धार गरिएको छ ।

उद्दारकै क्रममा रहेकाले सबै मृतक र घाइतेको पहिचान हुन नसकेको डीएसपी काफ्लेले जानकारी दिए । घाइतेहरूको धुलिखेल अस्पतालमा उपचार भइरहेको छ । नेपाल प्रहरी, सशस्त्र प्रहरी र स्थानीय बासिन्दाले उद्दार तथा खोजी कार्य तीव्र पारेका छन् ।

प्रकाशित समय : २३:३४ बजे