आइएमई जनरल इन्स्योरेन्स लिमिटेडले ‘एसिया मस्ट ट्रस्टेड कम्पनी अवार्ड २०१९’ प्राप्त गरेको छ । थाइल्याण्डको बैंककमा बुधबार आयोजित कार्यक्रममा अमेरिकाको इन्टरनेशनल ब्राण्ड कन्सल्टिङ कर्पोरेसनले अवार्ड प्रदान गरेको हो ।

कम्पनीका सञ्चालक समितिका अध्यक्ष हेमराज ढकाल तथा प्रमुख कार्यकारी अधिकृत युगेश भक्त बादे श्रेष्ठलाई कर्पोरेसनले सम्मान हस्तान्तरण गरेका थिए । सम्मान कार्यक्रममा बोल्दै अध्यक्ष ढकालले कर्पोरेसनप्रति आभार व्यक्त गरे । उनले कम्पनीको उपलब्धिमा सहयोग तथा साथ दिई महत्वपूर्ण योगदान पुर्‍याउने सम्पुर्ण ग्राहक, शेयरधनी, कर्मचारी, नियामक निकाय, सञ्चार माध्यमलगायत सबैलाई धन्यवाद दिए ।

सम्मानबाट थप हौसला प्राप्त भएको र आगामी दिनमा सबै क्षेत्रबाट सदाझैं सहयोग प्राप्त भई नेपालको निर्जीवन बिमा क्षेत्रमा एक अग्रणी कम्पनीको रुपमा अगाडी बढ्ने उनले प्रतिवद्धता जनाए । सो अवसरमा अध्यक्ष ढकालले नेपाल सरकारले २०२० लाई ‘नेपाल भ्रमण वर्ष २०२०’का रुपमा मनाउने घोषणा गरिसकेको हुनाले नेपालको भ्रमण गर्न उपस्थित सबैसमक्ष अनुरोध गरे ।

प्रकाशित समय : २२:१२ बजे