काठमाडौं । पूर्वाधार विकास मन्त्री सुनिल लम्सालले फोहोरमैला व्यवस्थापन विधेयक, २०८३ प्रतिनिधिसभामा पेश गरेका छन् ।

बुधबार बसेको प्रतिनिधिसभा बैठकमा विधेयक प्रस्तुत गर्दै मन्त्री लम्सालले फोहोरमैला उत्सर्जन, संकलन, विसर्जन तथा समग्र व्यवस्थापनमा संघ, प्रदेश र स्थानीय तहको भूमिका तथा जिम्मेवारी स्पष्ट गर्न विधेयक ल्याइएको बताए ।

एनले विधेयकले तीनै तहका सरकारबीच प्रभावकारी समन्वय कायम गरी फोहोरमैलाको समुचित तथा प्रभावकारी व्यवस्थापन गर्ने उद्देश्य राखेको बताए । फोहोरमैला व्यवस्थापनमार्फत स्वच्छ तथा स्वस्थ वातावरण कायम गर्ने र मानव स्वास्थ्य तथा वातावरणमा पर्न सक्ने प्रतिकूल प्रभाव न्यूनीकरण गर्ने विषयलाई पनि विधेयकमा प्राथमिकता दिइएको उनले बताए ।

उनले चक्रीय अर्थतन्त्रको अवधारणाअनुरूप फोहोरमैलालाई प्रशोधन गरी पुनः स्रोत सामग्रीका रूपमा उपयोग गर्ने व्यवस्था गर्न विधेयक आवश्यक रहेको बताए ।

विधेयकले फोहोरमैला व्यवस्थापनमा सरकारका विभिन्न तहको जिम्मेवारी स्पष्ट पार्दै प्रभावकारी व्यवस्थापन प्रणाली विकास गर्ने लक्ष्य राखेको उनले बताए ।

प्रकाशित समय : १४:४९ बजे