काठमाडौं । चार वटा संसदीय समितिको बैठक आज बस्ने भएको छ ।

सोमबार अन्तर्राष्ट्रिय सम्बन्ध र पर्यटन समितिको, शिक्षा, स्वास्थ्य तथा सूचना प्रविधि समिति, सार्वजनिक लेखा समितिको र महिला तथा सामाजिक मामिला समितिको बैठक बस्ने भएको हो ।

सोमबार बिहान ९ः३० बस्ने अन्तर्राष्ट्रिय सम्बन्ध र पर्यटन समितिको बैठकमा परराष्ट्र मन्त्रीको भारत र चीन भ्रमणका साथै अन्य समसामयिक विषयहरूमा समितिलाई जानकारी गराउने कार्यसूची रहेको छ ।

बिहान ९ बजे बस्ने शिक्षा, स्वास्थ्य तथा सूचना प्रविधि समितिको बैठकमा राष्ट्रिय विधि विज्ञान प्रयोगशाला ९स्थापना र सञ्चालन० विधेयक, २०८१ सम्बन्धमा छलफल हुने कार्यसूची छ ।

सार्वजनिक लेखा समितिको बैठक बस्ने भएको छ । बिहान ९ बजे बस्ने बैठकमा समितिको आन्तरिक कार्यविधि पारित सम्बन्धमा र बेरुजु छलफल उपसमिति गठन सम्बन्धमा छलफल हुने छ ।

महिला तथा सामाजिक मामिला समितिको बैठक दिउसो २ बजे बस्ने भएको छ ।

बैठकमा राष्ट्रिय महिला आयोगको कामकारवाही तथा प्रगति सम्बन्धमा आयोगका पदाधिकारीहरूसँग छलफल हुने छ ।

प्रकाशित समय : ०८:५३ बजे