काठमाडौं । सिटिजन्स बैंक इन्टरनेशनल लिमिटेडले संस्थापक समूहको सेयर बिक्री प्रक्रिया सुरु गरेको छ ।

बैंकले संस्थापक सेयरधनीको स्वामित्वमा रहेको ८७ हजारभन्दा बढी कित्ता सेयर सर्वसाधारण तथा संस्थागत लगानीकर्ताका लागि बिक्री खुला गरेको हो ।

सिटिजन्स बैंक इन्टरनेशनल लिमिटेडले संस्थापक समूहअन्तर्गतको ८७ हजार ८७८.३६ कित्ता सेयर बिक्रीका लागि सार्वजनिक सूचना जारी गरेको छ । एक संस्थापक सेयरधनीको नाममा रहेको उक्त सेयर आजदेखि बिक्रीमा राखिएको बैंकले जनाएको छ ।

बैंकका अनुसार उक्त सेयर खरिदका लागि व्यक्तिगत तथा संस्थागत दुवै प्रकारका लगानीकर्ताले आवेदन दिन सक्नेछन् । यसअघि संस्थापक समूहभित्र सीमित रहने यस्तो सेयर खरिद प्रक्रिया यसपटक सबै इच्छुक व्यक्ति तथा कम्पनीका लागि खुला गरिएको हो ।

सेयर खरिद गर्न इच्छुक लगानीकर्ताले सूचना प्रकाशित भएको मितिले ३५ दिनभित्र आवश्यक कागजातसहित आवेदन दिनुपर्नेछ । आवेदन बैंकको केन्द्रीय कार्यालय, नारायणहिटी पथ, काठमाडौंमा बुझाउन सकिनेछ ।

बैंकले तोकिएको समयभित्र प्राप्त आवेदनका आधारमा प्रचलित कानुनी व्यवस्था अनुसार सेयर बिक्री प्रक्रिया अघि बढाइने जनाएको छ ।

प्रकाशित समय : ०९:२९ बजे