काठमाडौं । अभिनेता जितु नेपालको निर्माणमा बनेको चलचित्र ‘आइ एम जीत बहादुर’ को ट्रेलर सार्वजनिक गरिएको छ।

शुक्रबार काठमाडौंको नयाँ बानेश्वरस्थित आइएनआई सिनेमाजमा आयोजित एक समारोहकाबीच उक्त ट्रेलर सार्वजनिक गरिएको हो ।

आगामी असार ५ गतेदेखि देशभर प्रदर्शनमा आउने तयारीमा रहेको चलचित्रको ट्रेलर ओएसआर डिजिटलको युट्युब च्यानलमार्फत सार्वजनिक गरिएको हो।

सार्वजनिक ट्रेलरले गाउँबाट शहर आएर कलाकार बन्न संघर्ष गर्ने एक युवाको कथा प्रस्तुत गरेको छ ।
भारतीय बंगाली निर्देशक सुभेन्दु घोषको निर्देशनमा तयार भएको फिल्ममा जितु नेपाल मुख्य भूमिकामा छन् भने उनकी जोडीको रूपमा वर्षा राउत देखिएकी छन् ।

चलचित्रमा प्रियंका कार्की, सन्दीप क्षेत्री, देशभक्त खनाल,पवन खतिवडा’बाबा’,निरज नेपाल,अन्सु महर्जन लगायत कलाकारहरूको अभिनय रहेको छ।

यस फिल्मका कार्यकारी निर्माता निश्चल कुँवर र निरज नेपाल हुन् भने राजन सिंखडा तथा दीपेन्द्र अधिकारी सह–निर्माताका रूपमा रहेका छन्।

प्रकाशित समय : २०:०९ बजे