काठमाडौं– ग्राहकमाझ लोकप्रिय डिश होमले नयाँ वर्ष २०८३ को अवसर पारेर आफ्ना ग्राहकका लागि वार्षिक अफर सार्वजनिक गरेको छ । कम्पनीले आफ्नो इन्टरनेट तथा टेलिभिजन सेवामा बोनस–आधारित योजनाहरू सार्वजनिक गरेको हो ।

पछिल्लो समय बढ्दो सञ्चालन खर्च तथा पूर्वाधार विस्तारका कारण मूल्य संरचनामा सामान्य समायोजन गरे पनि ग्राहकलाई थप राहत दिन कम्पनीले अतिरिक्त सेवा अवधिको योजना ल्याएको जनाएको छ ।

कम्पनीका अनुसार यो योजना विशेषगरी वार्षिक नवीकरण बढाउने तथा निष्क्रिय ग्राहकलाई पुनः सक्रिय बनाउने उद्देश्यले ल्याइएको हो ।

डिश होम फाइबर नेटका पुराना ग्राहकले वार्षिक रिचार्ज गर्दा ५० एमबीपीएसदेखि ३०० एमबीपीएससम्मका प्याकेजमा १५ देखि ६० दिनसम्मको बोनस प्राप्त गर्नेछन् ।

यदि ग्राहकले सेवा बन्द हुनुभन्दा १५ दिन अगावै रिचार्ज गरेमा थप ३० दिन प्रि–डिस्कनेक्शन बोनस पाउने छन् । यसरी ग्राहकले कुल ४५ देखि ९० दिन (३ महिना) सम्मको अतिरिक्त इन्टरनेट सेवा निःशुल्क प्राप्त गर्न सक्ने छन् ।

त्यस्तै, ३० दिनभन्दा बढी समयदेखि सेवा बन्द रहेका ग्राहकले ५० एमबीपीएसदेखि ३०० एमबीपीएससम्मको कुनै पनि प्याकेज रिचार्ज गरेमा सिधै तीन महिनाको बोनस पाउने छन् । त्यस्ता ग्राहकका लागि ड्रप वायर तथा रिलोकेसन शुल्कसमेत निःशुल्क गरिएको कम्पनीको भनाइ छ ।

यसका साथै डिश होमको टेलिभिजन सेवा प्रयोग गर्ने ग्राहकका लागि पनि वार्षिक रिचार्जमा अफर ल्याइएको छ । नियमित र निष्क्रिय ग्राहकले वार्षिक रिचार्ज गर्दा दुई महिनाको बोनस पाउनेछन् । साथै, सेवा सकिनुभन्दा १५ दिन अगावै रिचार्ज गर्ने ग्राहकले थप एक महिना गरी कुल तीन महिनासम्मको बोनस प्राप्त गर्न सक्नेछन् । यो अफर इयरली मल्टि–टिभी प्याकेजहरूमा मात्र लागू हुनेछ ।

कम्पनीका अनुसार इन्टरनेट सेवाको रिचार्ज अफर १५ वैशाख २०८३ सम्म रहने छ । त्यस्तै, इन्टरनेटको नयाँ जडान अफर १ वैशाखदेखि ३१ वैशाख २०८३ सम्म तथा डीटीएचतर्फको अफर १ वैशाखदेखि ३२ असार २०८३ सम्म लागू हुनेछ ।

प्रकाशित समय : १९:०८ बजे