नेपाल एसोसिएसन अफ टुर एन्ड ट्राभल एजेन्टस् (नाटा) को अध्यक्षका लागि अच्युत गुरागाईंले उम्मेदवारी घोषणा गरेका छन् । राजधानीको पकनाजोलमा पत्रकार सम्मेलन गरी बिहीबार गुरागाईंले उम्मेदवारी घोषणा गरेका हुन् । नाटाको निर्वाचन माघ ३ गते हुँदै छ ।

उम्मेदवारी घोषणा गर्दै अध्यक्षका प्रत्यासी गुरागाईंले नाटा आफ्नो जन्मघरभन्दा प्यारो रहेको बताए । आफ्नो प्यानललाई नै जिताउन आग्रह गर्दै उनले नाटालाई निर्दिष्ट दिशा दिने प्रतिबद्धता पनि व्यक्त गरे । वर्तमान कार्यसमितिमा गुरागाईं उपाध्यक्ष छन् ।

गुरागाईंको प्यानलमा वरिष्ठ उपाध्यक्षमा हेमराज बाँस्तोला, उपाध्यक्षमा यज्ञमुर्ति आचार्य, महासचिवमा राकेश धमला, सचिवमा गोविन्द दाहाल, कोषाध्यक्षमा कुमारमणि थपलिया र सहकोषाध्यक्षमा पासाङ दावा शेर्पाले उम्मेदवारी दिएका छन् । सदस्यहरुमा परशुराम घिमिरे, नमराज भेटुवाल र रमेश थापाले उम्मेदवारी दिएको कार्यक्रममा जानकारी दिइएको छ ।

प्रकाशित समय : ००:०२ बजे