बागमती नगरपालिका–५ राजघाटकी पूर्णिमा मोक्तानको हत्या आरोपमा एक जनालाई सर्लाही प्रहरीले गिरफ्तार गरेको छ । धनुषाको लालगढस्थित मोडेल अस्पतालमा उपचार गराइरहेको अवस्थामा मोक्तानको हत्यामा संलग्न भएको आरोपमा ३२ वर्षीय ढकबहादुर खपांगीलाई बुधबार गिरफ्तार गरिएको जिल्ला प्रहरी कार्यालय सलार्हीका एसपी विश्वमणी पोखरेलले जानकारी दिए । खपांगी ना. ४ च २५६३ नम्बरको बोलेरो जिपका चालक हुन् ।

राजघाटको टेकानीस्थित बुढी बागमतीको बगरमा पुस २१ गते २६ वर्षीय मोक्तानको शव नदीको खरबारीमा फेलापरेको थियो । माइतीघर बागमती नगरपालिका ५ टेकानीमा बस्दै आएकी मोक्तान गत १८ गते रातीदेखि बेपत्ता भएकी थिइन् । पुस २२ गते प्रहरी कार्यालयमा पीडित परिवारले प्रहरीलाई उनको खोजी गरिदिन भन्दै उजुरी दिएका थिए । शव फाल्नका लागि बागमती नदीमा जिप चलाएको भेटिएको प्रहरीको प्रारम्भिक अनुसन्धानबाट खुलेको छ ।

प्रकाशित समय : ००:५० बजे