काठमाडौं । नेपालको मोटरसाइकल बजार निरन्तर परिवर्तन हुँदै गएको छ । राइडरहरूले उचित मूल्यमा प्रदर्शन, दक्षता र आधुनिक प्रविधि प्रदान गर्ने सवारी खोजिरहेका छन् । यही बदलिँदो अपेक्षालाई ध्यानमा राख्दै यामाहा मोटर कम्पनीले नेपाली बजारमा नयाँ यामाहा FZ-S FI हाइब्रिड सार्वजनिक गरेको छ ।

जुन नेपालकै पहिलो हाइब्रिड मोटरसाइकल पनि हो, जसले फ्युल इन्जिन र स्मार्ट इलेक्ट्रिक असिस्टलाई संयोजन गर्दै नयाँ सेग्मेन्टको सुरुवात गरेको छ । यस लन्चमार्फत यामाहाले इनोभेसन र दीर्घकालीन मूल्य दिने सवारी प्रस्तुत गर्ने लक्ष्य राखेको छ । ४ लाख ८९ हजार ९०० रूपैयाँमा उपलब्ध यो मोटरसाइकलले उन्नत हाइब्रिड प्रविधि, आकर्षक डिजाइन र दैनिक उपयोगितालाई एकसाथ ल्याएको छ ।

FZ-S FI हाइब्रिड लोकप्रिय FZ सिरिजको अर्को विकसित संस्करण हो, जसले लामो समयदेखि मस्कुलर डिजाइन, स्थिर ह्यान्डलिङ र उत्कृष्ट प्रदर्शनका कारण राइडरहरूको विश्वास जित्दै आएको छ । यही आधारमा तयार गरिएको हाइब्रिड संस्करणले अझ आधुनिक र भविष्यकेन्द्रित राइडिङ अनुभव प्रदान गर्छ । यसमा FZ सिरिजकै बोल्ड र एग्रेसिभ स्ट्रीटफाइटर डिजाइनलाई कायम राख्दै थप उन्नत फिचरहरू समावेश गरिएको छ, जसले प्रयोग र अनुभव दुवैलाई अझ राम्रो बनाउँछ ।

मोटरसाइकलको मुख्य आकर्षण यामाहाको स्मार्ट मोटर जेनेरेटर (SMG) र हाइब्रिड असिस्ट प्रविधिको संयोजन हो । यस प्रणालीले साइलेन्ट स्टार्टको सुविधा दिन्छ र एक्सेलेरेशनका बेला हल्का इलेक्ट्रिक बुस्ट प्रदान गर्छ, विशेषगरी शहरको ट्राफिकमा जहाँ बारम्बार रोक्नुपर्ने र अघि बढ्नुपर्ने अवस्था हुन्छ । यसले प्रारम्भिक पिकअपमा इन्जिनमाथिको दबाब कम गर्दै स्मूद एक्सेलेरेशन र आरामदायी राइडिङ अनुभव दिने कम्पनीले जनाएको छ ।

समयसँगै यसले इन्धन दक्षता पनि बढाउँछ, जसको माइलेज व्यवहारिक प्रयोगमा ६० किमि प्रति लिटरभन्दा बढी पुग्ने अपेक्षा गरिएको छ । इन्धनको मूल्य निरन्तर बढिरहेको नेपालजस्तो बजारमा, यसले दैनिक यात्रा गर्नेहरूलाई उल्लेखनीय बचत गर्न सघाउँछ ।

डिजाइन र फिचरको हिसाबले पनि यो मोटरसाइकल प्रिमियम देखिन्छ । FZ-S FI हाइब्रिडले आफ्नो पहिचान बनाएको मस्कुलर फ्युल ट्याङ्क, चौडा टायर र बलियो रोड प्रेजेन्सलाई कायम राखेको छ । यससँगै LED लाइटिङ, रिफाइन्ड डिजिटल इन्स्ट्रुमेन्ट क्लस्टर र नयाँ कलर अप्सनहरूले बाइकलाई आधुनिक र आकर्षक बनाएका छन् । यी सबै पक्षले युवा स्टाइल खोज्ने राइडरदेखि लिएर हरेक दिन यात्रा गर्ने पेशाकर्मीहरूसम्मलाई आकर्षित गर्ने कम्पनीले जनाएको छ ।

प्रकाशित समय : १५:३२ बजे