कञ्चनपुरको बेलौरी नगरपालिकामा थारू समुदायले आयोजना गरेको माघी मेलाको उद्घाटन गर्न खानेपानीमन्त्री बीना मगर कञ्चनपुरमा पुगेकी छन् ।

चौधरी समुदायले मनाउने माघी पर्व मेलाको उद्घाटनमा प्रमुख अतिथिका रूपमा खानेपानीमन्त्री मगरले थारू समुदायको कला, संस्कृति र परम्पराको जगेर्ना गर्न आफु प्रतिबद्ध रहेको बताइन् ।

देशभर रहेका यस्ता थुप्रै जातजातिको कला संस्कृति र परम्पराको संरक्षण गर्नु राज्यको दायित्व भएको उनको भनाइ थियोे । थारूको ड्रेसमा सजिदै खानेपानी मन्त्री मगरले भनिन् ।

‘कञ्चनपुर जिल्ला पछाडि परेको दक्षिण भेगको यो निर्वाचन क्षेत्र हिजोका दिनमा ओझेलमा थियो । यस अघिका नेतृत्व तथा जन प्रतिनिधिहरुले किन त्यतिबेला ध्यान दिएनन्, प्रश्न गर्न चाहन्छु ।’ उनले भनिन् ।

उनले भनिन्, ‘जनताका अगाडि जे प्रतिबद्धता व्यक्त विकास गरेको छु त्यो पुरा गरेरै छाड्छु । विकास मैले नै गर्ने हो । हामी जनप्रतिनिधिले नै गर्ने हो ।’

हुलाकी सडकलगायत अन्य बाटो घाटो, पुल पुलेसादेखि खानेपानीलगायत पूर्वाधार संरचनाको हरेक क्षेत्रका कामहरु अगाडि बढाइएको उनले बताइन् ।

उनले बेलौरी भन्सारलाई मुख्य भन्सारका रूपमा अगाडि बढाउन प्रक्रिया अघि बढेको बताइन् । उनले भनिन्, ‘यो क्षेत्रमा पर्यटन पूर्वाधार विकासका लागि महत्त्वपूर्ण कामहरु अगाडि बढेका छन् ।’

प्रकाशित समय : १३:५७ बजे