काठमाडौं । नेपालका लागि जिलि होल्डिङ ग्रुप अन्तर्गतको ‘रिडारा’ ब्रान्डको आधिकारिक वितरक सीजी मोटर्सले नयाँ इलेक्ट्रिक पिकअप सिडारा आरडीसिक्स इकोन फोर बाइ फोर सार्वजनिक गरेको छ । ‘प्योर इलेक्ट्रिक, प्योर क्यापेबिलिटी’ भन्ने नाराका साथ सार्वजनिक गरिएको यस गाडीको सुरुवाती मूल्य ७१ लाख ९९ हजार रुपैयाँ निर्धारण गरिएको छ ।

नेपालको भौगोलिक अवस्थालाई लक्षित गरी ल्याइएको यस गाडीलाई इभी सेग्मेन्टमा हालसम्मकै शक्तिशाली र बहुउपयोगी पिकअपको रूपमा प्रस्तुत गरिएको छ । करिब दुई वर्षअघि नाडा अटो शोमार्फत नेपाल प्रवेश गरेको रिडाराले छोटो समयमै आफूलाई नेपालको नम्बर १ इलेक्ट्रिक पिकअप ब्रान्डको रूपमा स्थापित गर्न सफल भएको छ ।

नयाँ इकोन फोर बाइ फोर भेरियन्टमा डुअल मोटर अल-ह्विल ड्राइभ प्रणाली जडान गरिएको छ, जसले गर्दा यो गाडी पहाडी र कच्ची सडकमा समेत अत्यन्तै प्रभावकारी छ । यसको अधिकतम टर्क ४८५ एनएम रहेको छ, जसले शक्तिशाली पुलिङ पावर र एक्सेलेरेसन सुनिश्चित गर्छ । २२५ एमएमको उच्च ग्राउन्ड क्लियरेन्स र १२३५ केजीको पेलोड क्षमताले गर्दा यसलाई व्यवसायिक र व्यक्तिगत दुवै प्रयोजनका लागि उत्कृष्ट बनाउँछ ।

यसमा विभिन्न सडक परिस्थिति अनुसार चलाउनका लागि ईको, नर्मल , स्पोर्ट र अफ-रोड (हिउँ, हिलो र बालुवा) जस्ता मल्टिपल ड्राइभ मोडहरू उपलब्ध छन् ।

रिडारा आरडीसिक्स इकोन फोर बाइ फोर मा सुरक्षालाई विशेष ध्यान दिइएको छ । यसमा ५-स्टार ब्याट्री प्रोटेक्सन आर्मर सिस्टम र ६ वटा उन्नत ब्याट्री सुरक्षा व्यवस्थापन प्रणाली जडान गरिएको छ । यसको ब्याट्री प्याक आईपी६८ रेटेड छ, जसको अर्थ यो पानी र धुलो प्रतिरोधी छ । यस्ता सुविधाहरूले नेपालको चुनौतीपूर्ण मौसम र कठिन भू-भागमा पनि गाडीलाई भरपर्दो र सुरक्षित बनाउँछन् ।

कम्पनीका अनुसार यो नयाँ इलेक्ट्रिक पिकअप अब देशभर रहेका सीजी मोटर्सका आधिकारिक शोरुमहरूमा उपलब्ध भइसकेको छ । इच्छुक ग्राहकहरूले शोरुममा गई यसको टेस्ट ड्राइभ गर्न सक्नेछन् ।

उच्च प्रदर्शन, दिगोपन र आधुनिक प्रविधिको खोजीमा रहेका नेपाली ग्राहकहरूका लागि यो गाडी एउटा उत्कृष्ट विकल्प बन्ने विश्वास सीजी मोटर्सले लिएको छ ।

प्रकाशित समय : १४:३० बजे