काठमाडौं । नेपालमा सुजुकी गाडीको आधिकारिक वितरक CG Motocorp ले आफ्नो बहुप्रतीक्षित पहिलो प्रिमियम ब्याट्री इलेक्ट्रिक भेहिकल (BEV) Suzuki e Vitara को बुकिङ औपचारिक रूपमा खुला गरेको छ । कम्पनीले उक्त घोषणा बुधबार WADA Auto Show, पोखरामा गरेको हो, जहाँ यसको प्रतिस्पर्धी सुरुआती मूल्य ४९,९९,००० रुपैयाँ पनि सार्वजनिक गरिएको छ ।

यो विशेष प्रारम्भिक मूल्य सीमित अवधिका लागि मात्र लागू हुने र सुरुवाती भेरियन्टमा मात्र उपलब्ध हुने कम्पनीले जनाएको छ । जापानी अटोमेकर Suzuki ले नेपालमा ल्याएको पहिलो प्रिमियम BEV का रूपमा e-Vitara ले जापानी विश्वसनीयता र इन्जिनियरिङलाई नेपाली ईभी बजारमा प्रस्तुत गर्ने अपेक्षा गरिएको छ ।

Suzuki e-Vitara का मुख्य विशेषताहरू

शक्तिशाली प्रदर्शन: ४९ kWh र ६१ kWh क्षमताका दुई ब्याट्री विकल्प उपलब्ध छन्, जसले क्रमशः १०६ kW र १२८ kW शक्ति उत्पादन गर्छन् ।

उत्कृष्ट क्षमता: यी विशेषताले e-Vitara लाई आफ्नो मूल्य समूहमा उपलब्ध सबैभन्दा शक्तिशाली इलेक्ट्रिक सवारीसाधनमध्ये एक बनाएको छ ।

विश्वसनीय ब्रान्ड: सुजुकीको परीक्षणित विश्वास, टिकाउपन र विश्वसनीयतालाई आधुनिक ईभी प्रविधिसँग संयोजन गरिएको छ ।

कम्पनीका अनुसार, “यो मूल्य दायरामा जापानी ब्रान्डबाट आएको पहिलो ईभी हो । यसमा नवीनतम ब्याट्री प्रविधि र उन्नत सुरक्षा मापदण्डहरू समावेश छन् । भविष्यवादी डिजाइन भएको यो गाडीले ड्राइभिङलाई अझ सहज र रोमाञ्चक बनाउने सबै सुविधाहरू प्रदान गर्छ । साथै, देशभर फैलिएको सुजुकीको सेवा सञ्जालले ग्राहकलाई झन्झटमुक्त स्वामित्व अनुभव दिनेछ ।” कम्पनीले सन् २०३० सम्म सुजुकीका थप ६ नयाँ ईभी सार्वजनिक गर्ने योजना पनि जनाएको छ ।

भविष्यवादी डिजाइन र आराम
एक्स्टेरियर (बाहिरी डिजाइन): e-Vitara को बलियो SUV स्टान्स, पोलिहेड्रल डिजाइन, R18 (१८ इन्च) एरोडाइनामिक एलोय ह्विल र रूफ स्पोइलरले आकर्षक र शक्तिशाली लुक दिन्छ । नयाँ पुस्ताको NEXTré 3-Point Matrix LED DRLs, LED प्रोजेक्टर हेडलाइट र आधुनिक फ्रन्ट फेसियाले यसको आकर्षण थप बढाएको छ ।

इन्टेरियर (भित्री डिजाइन):

डिजिटल ककपिट, ट्विन-डेक फ्लोटिङ कन्सोल, नयाँ स्टेयरिङ ह्विल, फिक्स्ड ग्लास सनरुफ र मल्टिकलर एम्बियन्ट लाइटिङसहितको प्रिमियम इन्टेरियर उपलब्ध छ । २५.६५ सेमी (१०.१ इन्च) डिजिटल डिस्प्ले र २६.०४ सेमी (१०.२५ इन्च) मल्टि-इन्फर्मेशन डिस्प्ले दिइएको छ । साथै, वायरलेस कनेक्टिभिटी र ‘Infinity by Harman’ साउन्ड सिस्टमले अनुभवलाई अझ उत्कृष्ट बनाउँछ ।

यात्रु आरामलाई प्राथमिकता दिँदै भेन्टिलेटेड फ्रन्ट सिट, १०-वे पावर एड्जस्टेबल ड्राइभर सिट र ४०:२०:४० स्प्लिट रियर सिट कन्फिगरेसन दिइएको छ, जसले बुट स्पेसलाई आवश्यकअनुसार मिलाउन सकिन्छ ।

प्रविधिमा नवीनता
HEARTECT-e प्लेटफर्म: नयाँ EV प्लेटफर्म HEARTECT-e मा आधारित यो गाडी उच्च मजबुती, फराकिलो केबिन र उच्च भोल्टेज सुरक्षा प्रणालीसहित निर्माण गरिएको छ । २,७०० मिमी व्हीलबेस र ५.२ मिटर टर्निङ रेडियसले उत्कृष्ट नियन्त्रण दिन्छ ।

प्रदर्शन: ३-इन-१ प्रणाली (मोटर, इन्वर्टर र ट्रान्समिसन) र लिथियम-आयन ब्याट्री प्याकसहित उपलब्ध छ । Cell-to-Pack प्रविधि र उन्नत थर्मल व्यवस्थापन प्रणाली प्रयोग गरिएको छ । -३०°C देखि ६०°C सम्मको तापक्रममा पनि उच्च प्रदर्शन दिन सक्ने गरी परीक्षण गरिएको छ ।

Eco, Normal र Sport ड्राइभिङ मोडका साथै Snow मोड पनि उपलब्ध छ । रेनेरेटिभ ब्रेकिङ प्रणालीले एक-पेडल ड्राइभिङ अनुभव दिन्छ । अनुकूल ग्रिल शटर प्रणालीले ५०० किमि भन्दा बढी रेन्ज प्रदान गर्न मद्दत गर्छ ।

सुरक्षा प्रणाली
५०% भन्दा बढी हाई-टेन्साइल स्टिल प्रयोग गरिएको HEARTECT-e प्लेटफर्ममा उन्नत ब्याट्री सुरक्षा संरचना छ । Level 2 ADAS, ७ एयरब्याग (ड्राइभर निँउ एयरब्याग सहित), इलेक्ट्रोनिक पार्किङ ब्रेक, सबै-डिस्क ब्रेक, e-Call, टायर प्रेशर मोनिटरिङ सिस्टम लगायतका सुविधा समावेश छन् ।

देशभरका सबै सुजुकी शोरुमहरूमा बुकिङ खुला गरिएको छ भने सुरुआती मूल्य सीमित अवधिका लागि मात्र लागू हुने कम्पनीले जनाएको छ ।

प्रकाशित समय : १२:५१ बजे