अस्ट्रेलिया महिला टोलीले भारत महिला टोलीलाई एकमात्र टेस्ट खेलमा आज १० विकेटले हराएको छ। पर्थस्थित वाका मैदानमा भएको खेल तीन दिनमै सकिएको हो।

पहिलो इनिङ्समा भारतले १ सय ९८ रन बनाएको थियो। जवाफमा अस्ट्रेलियाले ३ सय २३ रन बनाउँदै १२५ रनको अग्रता लियो। अस्ट्रेलियाका लागि एनेबल सुदरल्यान्डले उत्कृष्ट १ सय २९ रन बनाइन् । एलिस पेरीले ७६ रन जोडिन्।

दोस्रो इनिङ्समा भारत १ सय ४९ रनमै अलआउट भयो। भारतका लागि डेब्यु खेल खेलिरहेकी प्रतिका रावलले अर्धशतक (६३रन ) बनाइन्।

भारतले दोस्रो इनिङ्समा अस्ट्रेलियालाई जितका लागि मात्र २५ रनको लक्ष्य दिएको थियो। अस्ट्रेलियाका ओपनर जर्जिया भोल र फिबी लिचफिल्डले कुनै विकेट नगुमाई लक्ष्य पूरा गरे।

यो जितसँगै अस्ट्रेलियाकी कप्तान एलिसा हिलीले आफ्नो अन्तर्राष्ट्रिय खेल जीवनलाई विजयी अन्त्य दिइन्। श्रृंखलाको समग्र नतिजामा पनि अस्ट्रेलियाले भारतलाई १२-४ अंकले हरायो।

प्रकाशित समय : १८:१४ बजे