काठमाडौं । अभिनेतृ एवं निर्देशक रेखा थापाले नयाँ नेपाली कथानक चलचित्र ‘माया भनेको यस्तो होला’को घोषणा गरेकी छिन् ।

आइतबार शिवरात्रीको अवसरमा निर्देशक थापाले एक समारोहकाबीच आफ्नो नयाँ चलचित्र ‘माया भनेको यस्तो होला’ दुई पोस्टर सार्वजनिक गर्दै चलचित्र निमार्णको घोषणा गरेकी हुन् ।

थापाको तेस्रो निर्देशकीय फिल्र्म माया भनेको यस्तो होला’ को लेखक ध्रुव लम्साल हुन् भने फिल्मका निर्माता हरि नारायण श्रेष्ठ र मायादेवी श्रेष्ठ हुन् । फिल्म दिया एन्ड अमुको प्रस्तुतीमा बन्न लागेको हो ।

फिल्मा वरिष्ठ अभिनेता मदनकृष्ण श्रेष्ठ, सृष्टि श्रेष्ठ, नीति शाह, नम्रता श्रेष्ठलगायत कलाकारको अभिनय रहनेछ ।

चलचित्रको पोस्टर सार्वजनिक गर्दै निर्देशक एवं अभिनेतृ थापाले नेपाली समाजकै घटना र विषयबस्तुमा चलचित्र बन्न लागेको भन्दै चलचित्र हरेक पुरुष र महिलाले आफ्नो कथा भएको अनुभव गर्ने बताइन् ।

‘यो चलचित्र हाम्रै समाजमा घटेका घटका तपाई हाम्रै जीवनमा घटेको घटना र हरेकले अनुभुति गरेका विषयलाई नै उठाएको छु । मलाई नारीवादी मात्र चलचित्र बनाउछे भन्ने ट्याग छ तर पुरुषलाई पनि पिडा हुन्छ,’उनले भनिन्र्, न्याय र अन्याय छुट्याउदा पुरुष र नारी भनेर हेर्दिन । यो चलचित्र हरेक पुरुषले हरेक महिलाले रिलेटेट् गर्नुहुन्छ । तपाईहरले सोचेभन्ना भिन्न प्रकारको र सबैलाई मन पर्ने चलचित्र बन्नेछ ।’

कार्यक्रममा वरिष्ठ हास्य कलाकार मदनबहादुर श्रेष्ठले जिन्दगीभर टेलिफिल्म र हास्य कला क्षेत्रमा व्यस्त रहेको भन्दै नयाँ संसारमा छिरे जस्तो अनुभव गरिरहेको बताए ।

‘आज म रेखा थापा बहिनीको निर्देशनमा बन्न लागेको माया त यस्तै होलामा खेल्दैछु । नयाँ संसारमा छिरे जस्तो लागेको छ । जिन्दगीभर टेलिफिल्म र हास्य टेलिफिल्ममा व्यस्त भए । फिल्म क्षेत्रका धेरैलाई चिनेकै छैन नयाँ संसारमा भए जस्तो भएको छ,’ उनले भने ।

यस्तै कलाकार सृष्टि श्रेष्ठले चलचित्रमा काम गर्न पाउँदा उत्साहित भएको भन्दै दर्शकसामु जान आतेर रहेको बताइन् ।

‘हामी सुन्दर चलचित्र लिएर आउँदैछौ । यो चलचित्रमा काम गर्न पाउँदा उत्साहित छु र यो चलचित्र लिएर दर्शकसामु जान पनि उत्साहित छौ,’ उनले भनिन् ।

प्रकाशित समय : १४:२० बजे