काठमाडौं । नेपाल क्रिकेट संघ क्यानद्वारा आयोजित ‘नेपाल प्रिमियर लिग’ डिजिटल प्लेटफर्म तथा समाजिक सञ्जालमा प्रसारण नगर्न डिसहोमले सार्वजनिक सूचना जारी गरिएको छ ।

सुचनामा अधिकार प्राप्त संस्थाबाहेक अन्य प्लेटफर्ममा प्रसारण गरिनु गैरकानुनी रहेको भन्दै डिजिटल प्लेटफर्म तथा सामाजिक सञ्जाल (युट्युब, फेसबुक, टिकटक, इन्स्टाग्राम, ट्विटर, टेलिग्राम) वा अन्य वेबसाइट र एपबाट लिगकका खेल बिक्री वितरण, पुनस् प्रसारण, रेकर्डिङ, सम्पादन तथा अन्य कुनै पनि किसिमले प्रयोग गर्ने-गराउने कार्य गैरकानूनी रहेको र सूचनामा अनधिकृत लिंक, साइट तथा माध्यमहरुबाट क्रिकेट खेल हेर्न खोज्दा व्यक्तिगत तथा वित्तीय विवरण सार्वजनिक भई साइबर अपराधमा पर्न सक्ने हुँदा त्यस्ता अनधिकृत कार्य नगराउन डिश होमले अनुरोध गरेको छ ।

खेलहरु अनधिकृत रुपमा प्रसारण भएको सूचना प्राप्त भएमा  डिशहोमलाई यथाशीघ्र जानकारी गराउन नेपाल क्रिकेट संघ तथा डिश मिडिया नेटवर्क लिमिटेडको तर्फबाट संयुक्त निवेदन दिएको छ । साथै त्यस्ता कार्यहरु गैरकानूनी भएकोले प्रचलित कानून बमोजिम कारबाही हुने अवगत गराउँदछौं ।

प्रकाशित समय : १६:४६ बजे