गृहपृष्ठ नेपाल चिकित्सक संघको निर्वाचन माघमा हुने
नेपाल चिकित्सक संघको निर्वाचन माघमा हुने
काठमाडौं– नेपाल चिकित्सक संघको केन्द्रीय कार्यकारिणी समितिको निर्वाचन आगामी माघ महिनामा हुने भएको छ ।
निर्वाचनबाट आगामी तीन वर्षका लागि नयाँ नेतृत्व चयन गरिनेछ । कार्यसमितिको छनोटका लागि केन्द्रीय निर्वाचन समितिले निर्वाचन कार्यक्रम र तालिका सार्वजनिक गरेको छ ।
निर्वाचन दुई चरणमा हुने गरी तालिका तयार गरिएको छ । काठमाडौं उपत्यकाबाहिर संघका शाखा कार्यालयमा निर्वाचन २ र ३ माघ बिहान ९ बजेबाट अपराह्न ४ बजेसम्म सञ्चालन हुने छ ।
यस्तै काठमाडौँ उपत्यका भित्र संघको केन्द्रीय कार्यालयमा निर्वाचन १५, १६ र १७ माघ बिहान ९ बजेदेखि अपराह्न ५ बजेसम्म हुनेछ ।
प्रकाशित समय : १२:११ बजे
