अल्ट्राभायोलेट नेपालले नाइमा नेपाल मोबिलिटी एक्स्पोमा आफ्नो प्रमुख विद्युतीय मोटरसाइकल सी–१ एफ ७७ म्याक–२ सार्वजनिक गर्दै स्टल सी १ मा आगन्तुकहरूको मन जितेको छ ।

एल्भिएन प्रेरित डिजाइन र अत्याधुनिक प्रविधिक क्षमताले यसलाई सबैको ध्यानको केन्द्र बनाएको थियो। यसले घण्टामा १५५ किलोमिटर सम्मको वेग लिन सक्छ, १०० न्युटन मिटर टर्क दिन सक्छ र रिकन संस्करणमा ३२३ किलोमिटर (आईडीसी प्रमाणित) सम्मको दायरा प्रदान गर्न सक्छ ।

अल्ट्राभायोलेटको स्वामित्व युक्त एसआरबी–१० ब्याट्री प्रविधिले लामो दूरीको प्रदर्शन मात्र होइन, उच्चस्तरीय विद्युतीय, यान्त्रिक, इलेक्ट्रोनिक र सफ्टवेयर सुरक्षा सहित उपलब्ध गराउँछ ।

यसमा उद्योगमै पहिलो पटक १,००,००० किलोमिटर वा ५ वर्षको ब्याट्री वारन्टी दिइएको छ । यस मोटरसाइकलमा १०–स्तरको पुनर्जनन ब्रेकिङ, ४–स्तरको ट्र्याक्सन नियन्त्रण, गतिशील स्थायित्व नियन्त्रण, समायोज्य डुअल–च्यानल एबीएस, हिल–होल्ड र कनेक्सनयुक्त ५ इन्चको प्रदर्शन पर्दा जस्ता सुविधा छन्, जसले चालकको सुरक्षा र अनुभवलाई उच्चतम स्तरमा पुर्‍याउँछन् ।

एफ ७७ म्याक २ को मुटुमा रहेको एसआरबी–१० ब्याट्री प्याक ६ लाख किलोमिटरभन्दा बढीको परीक्षण यात्राबाट आएको हो । यसको पाँच–स्तरीय सुरक्षा प्रणाली र ५ वर्ष वा १,००,००० किलोमिटरको वारन्टीले विश्वसनीयताको ग्यारेन्टी दिन्छ ।

यसलाई अझ स्मार्ट बनाउन वायोलेट एआई प्रविधि समावेश गरिएको छ, जसमा चोरी वा तान्ने प्रयासको चेतावनी, दुर्घटना पत्ता लगाउने प्रणाली, टाढैबाट लक गर्ने सुविधा र वास्तविक समयमा सवारीको अवस्था परीक्षण गर्ने क्षमता छ ।

एफ ७७ म्याक २ पछि कम्पनीले टेस्सेर्याक्ट र चकवेभ नामक दुई नयाँ मोडेल ल्याउने तयारी गरेको छ । टेस्सेर्याक्ट शैली र प्रदर्शन चाहनेका लागि उच्चस्तरीय विद्युतीय स्कूटर हो, जसमा ३.५ किलोवाट–घण्टा ब्याट्री, घण्टामा १२५ किलोमिटर वेग र ० देखि ६० किलोमिटर प्रतिघण्टा पुग्न २.९ सेकेन्ड मात्र लाग्ने क्षमता छ ।

प्रकाशित समय : ११:२७ बजे