पुरानो बानेश्वर टोलबासी संस्थाको सहकार्य र काभ्रे जिल्लाको चौरी देउराली गाउँपालिकाको आयोजनामा घुसेवी शिवालय प्राथमिक अस्पताल चौरी देउरालीमा निःशुल्क आँखाको स्वास्थ्य शिविर सम्पन्न गरेको छ ।

जेठ २१ गतेदेखि २४ गतेसम्म संचालत उक्त निःशुल्क आँखा शिविरमा तिलगंगा आँखा अस्पतालबाट डाक्टर, नर्सको टोलीसहित प्राविधिक सहयोगबाट ६५ जना महिला पुरुषहरुको निःशुल्क आँखाको मोतिविन्दुको अपरेशन गरेका थिए । उक्त शिविरमा अस्पतालबाट निःशुल्क औषधी वितरण गरेको थियो ।

निःशुल्क स्वास्थ्य शिविरमा आयोजकले टाढा टाढाबाट आउने विरामीहरुको लागि बस्ने, खाने खानाको समेत व्यवस्था गरिएको थियो । जटिल उपचारका लागि विरामीहरुलाई तिलगंगा आँखा अस्पतालमा रिफोर गरिएको आयोजकले जनाएको छ ।

प्रकाशित समय : २०:४८ बजे