कर्णाली प्रदेशको राजधानी सुर्खेत वीरेन्द्रनगरमा खेलकुद प्रतियोगिता हुने भएको छ । यही जेठ २४ गते राष्ट्रियस्तरको महिला-पुरुष १० र १८ वर्षमुनिका विद्यालयस्तरीय बालबालिका सम्मिलित पाँच किलोमिटर ‘मदन भण्डारी कप खुला सडक दौड प्रतियोगिता’ हुने भएको हो ।

उक्त दौड प्रतियोगिताको आयोजना मदन भण्डारी स्पोर्टस् एकेडेमीले गर्ने भएको वीरेन्द्रनगरमा आज आयोजित पत्रकार सम्मेलनमा एकेडेमीका कार्यक्रम संयोजक तेजविक्रम बस्नेतले जानकारी दिए । ‘सबैका लागि खेल’ नारासहित खेलकुदको प्रवर्द्धन र खेलाडीको प्रतिभा उजागर गर्ने उद्देश्यले प्रतियोगिता आयोजना गर्न लागिएको उनले बताए ।

संयोजक बस्नेतका अनुसार १० किलोमिटर खुला दौड प्रतियोगितामा प्रथम, द्वितीय, तृतीय, चौथो र पाँचौँ स्थान हासिल गर्नेले क्रमशः ५० हजार, ३० हजार, २० हजार, १५ हजार र १० हजार नगद पुरस्कार पाउनेछन् । त्यसैगरी, विद्यालयस्तरीय पाँच किलोमिटर दौडमा प्रथम, द्वितीय, तृतीय, चौथो र पाँचौँ स्थान हासिल गर्नेले क्रमशः २० हजार, १५ हजार, १० हजार, पाँच हजार र तीन हजार पुरस्कार पाउनेछन् ।

प्रकाशित समय : २१:०१ बजे