हिमालयन लाइफ इन्स्योरेन्सले आर्थिक वर्ष २०७९–८० को मुनाफाबाट वितरण गरिएको १४ प्रतिशत बोनस शेयरमा लाग्ने करबापतको रकम जम्मा गर्न आग्रह गरेको छ ।

कम्पनीको गत वर्ष फागुन ११ गते सम्पन्न १७ औँ वार्षिक साधारणसभाले उक्त बोनस शेयर पारित गरेको थियो । बोनस शेयर नेप्से र सीडीएससीमा सूचीकृत तथा दर्ता भई अभौतिक रुपमा कारोबार हुने व्यवस्था भइसकेको हिमालयन लाइफ इन्स्योरेन्स कम्पनीले जनाएको छ ।

सो साधारणसभाबाट पारित भए बमोजिम २०८१ माघ २४ गतेसम्म कायम शेयरधनीले उक्त बोनस शेयर पाउने तथा बोनस शेयरमा लाग्ने करबापतको रकम भने शेयरधनी स्वयंले नै तिर्नुपर्ने कम्पनीले स्पष्ट पारेको छ ।

साबिक प्राइम लाइफ, गुराँस लाइफ र युनियन लाइफ मर्जर भएको मिति २०८० वैशाख २६ गतेअघि कायम शेयरधनीहरुले भने बोनस शेयरमा कर तिर्नु नपर्ने र सो मितिभन्दा पछि शेयर खरिद गरेका शेयरधनीको हकमा करबापत रकम जम्मा गरेपछि मात्रै बोनस शेयर हितग्राही खातामा जम्मा गरिने व्यवस्था मिलाइने कम्पनीले उल्लेख गरेको छ ।

बोनस शेयरमा लाग्ने करबापतको रकम काठमाडौंको कमलादीस्थित शाइन रेसुंगा डेभलपमेन्टमा हिमालयन लाइफ इन्स्योरेन्सको नाममा रहेको बैंक खाता नम्बर ०८७००१००६१०९०९०००००मा जम्मा गर्न सकिने कम्पनीले जनाएको छ ।