कामना सेवा विकास बैंकले चालु आर्थिक वर्ष २०८१–८२ को तेस्रो त्रैमाससम्मको अपरिष्कृत वित्तीय विवरण अनुसार समीक्षा अवधिसम्म ४९ करोड ३१ लाख रुपैयाँ नाफा आर्जन गरेको छ । अघिल्लो वर्ष यही अवधिसम्म कामनाले ३३ करोड १४ लाख रुपैयाँ नाफा आर्जन गरेको थियो ।

बैंकको नाफा अघिल्लो वर्षको तुलनामा ४८.८३ प्रतिशतले बढेको छ । समीक्षा अवधिसम्म बैंकको वितरणयोग्य मुनाफा ४९ करोड ५८ लाख रुपैयाँ रहेको छ । अघिल्लो वर्ष यही अवधिसम्म बैंकको वितरणयोग्य मुनाफा २८ करोड ७३ लाख रुपैयाँले ऋणात्मक थियो ।

समीक्षा अवधिसम्म बैंकले १८.९८ प्रतिशत लाभांश क्षमता बनाएको छ । बैंकको सञ्चालन मुनाफा बढेर ७१ करोड ६१ रुपैयाँ पुगेको छ । अघिल्लो वर्ष बैंकको सञ्चालन मुनाफा ५४ करोड ६ लाख रुपैयाँमा सीमित थियो । बैंकको सञ्चालन मुनाफा पनि ३२.४४ प्रतिशतले बढेको छ । चालु आर्थिक वर्षको तेस्रो त्रैमाससम्म बैंकले १ अर्ब ६६ करोड ४२ लाख रुपैयाँ ब्याज आम्दानी गरेको छ ।

अघिल्लो वर्ष यही अवधिसम्म बैंकले १ अर्ब ४५ करोड ८० लाख रुपैयाँ ब्याज आम्दानी गरेको थियो । बैंकको ब्याज आम्दानी भने १४.१४ प्रतिशतले बढेको छ भने चुक्तापुँजी ३ अर्ब ५१ करोड ८ लाख रुपैयाँ रहेको छ । समीक्षा अवधिसम्म बैंकले ६१ अर्ब ८८ करोड ७३ लाख रुपैयाँ निक्षेप संकलन गरी ४९ अर्ब ४६ करोड ७५ लाख रुपैयाँ कर्जा लगानी गरेको छ । बैंकको वार्षिकीकृत प्रतिशेयर आम्दानी ईपीएस बढेर १८.७३ रुपैयाँ कायम भएको छ ।

प्रकाशित समय : १५:२५ बजे