नेपालकै पुरानो नेपाल इन्स्योरेन्स कम्पनीले बिमालेख नवीकरणका लागि इमेल पठाउन आफ्ना सबै बिमितलाई अनुरोध गरेको छ । बिमा अवधि समाप्त भएका बिमालेखको हकमा बिमितले विद्युतीय माध्यमबाट पठाएको लिखित अनुरोधका आधारमा नवीकरणको व्यवस्था गरिएको कम्पनीले जनाएको हो ।

लकडाउनका कारण बिमित नजिकका कार्यालयसम्म पनि पुग्न नसक्ने अवस्थालाई मध्यनजर गर्दै इमेल गरेकै भरमा नवीकरणको व्यवस्था गरिएको कम्पनीका नायब महाप्रबन्धक विक्रान्त पाण्डेले जानकारी दिए । सरकारले चैत ११ गतेदेखि लागू हुने गरी एक साताका लागि लकडाउन गरेको छ भने कोरोनाभाइरसको विश्वव्यापी संक्रमणको अवस्थालाई हेरेर लकडाउनको अवधि थपिन पनि सक्नेछ ।

प्रकाशित समय : १९:४७ बजे