चैत ११ देखि १८ गतेसम्मका लागि घोषित लकडाउनका कारण अत्यावश्यकबाहेकका सेवाहरु बन्द छन् । हवाइ तथा सडक यातायात बन्द हुँदा नेपाल भ्रमणमा आएका हजारौं विदेशी पर्यटकहरु बिच बाटोमै फसेका छन् । अन्नपूर्ण आधार शिविर तथा मुस्ताङलगायत पोखरा क्षेत्रको भ्रमणमा आएका पर्यटकहरु काठमाडौं फर्कन नपाउँदा अलपत्र परेका छन् ।

उडान हुने आशामा पोखरा विमानस्थलअगाडि शुक्रबार दिउँसो सडकमै भेटिएका पर्यटकहरुको अवस्था टीठलाग्दो थियो । स्वीट्जरल्याण्ड र जर्मनका नागरिक बताउने उनीहरु करिब २५ जनाको संख्यामा थिए । बसेको होटलबाट सामानसहित निस्किएका उनीहरु कोही झोलामाथि बसेका थिए त कोही भित्तामा अडेस लागेर । केही मोबाइलमा व्यस्त देखिन्थे ।

बिहीबार फ्रान्सेली दूतावसले भने विमान चार्टर गरे पोखरा क्षेत्रमा फसेका आफ्ना देशका ५९ जनालाई काठमाडाैं लगेको थियो ।

प्रकाशित समय : २०:४९ बजे