nmb bank

गृहपृष्ठ त्रिभुवन विश्वविद्यालयमा कार्यकर्ता भर्ती गर्ने बाटो बन्द

त्रिभुवन विश्वविद्यालयमा कार्यकर्ता भर्ती गर्ने बाटो बन्द

त्रिभुवन विश्वविद्यालयमा कार्यकर्ता भर्ती गर्ने बाटो बन्द

त्रिभुवन विश्वविद्यालयमा दलका कार्यकर्ता भर्ती गर्ने बाटो बन्द गरिएको छ । विश्वविद्यालयले ‘त्रिभुवन विश्वविद्यालयका साबिक पदमा नियुक्तिका लागि आधार र मापदण्डसम्बन्धी विनियम, २०८१’ जारी गर्दै दलका कार्यकर्ता भर्ती गर्ने बाटो बन्द गरेको हो ।

‘त्रिभुवन विश्वविद्यालय सङ्गठन तथा शैक्षिक प्रशासनसम्बन्धी नियम, २०५०’ को नियम १३३ (२) र ३९७ ले दिएको अधिकार प्रयोग गरेर त्रिवि कार्यकारी परिषद्ले विनियम जारी गरेको हो ।

विनियम अनुसार विश्वविद्यालयका डिनहरू, सहायक डिनहरू, कार्यकारी निर्देशकहरू, निर्देशकहरू, उप–निर्देशकहरू, परीक्षा नियन्त्रक, सहपरीक्षा नियन्त्रक, प्रिन्सिपल, रेक्टर, क्याम्पस प्रमुख, सहायक क्याम्पस प्रमुख लगायतका पदमा नियुक्तिका लागि कुनै पनि राजनीतिक दलको सदस्यता नभएको स्वघोषणा गरेपछि मात्रै उम्मेदवार बन्न पाउनेछन् ।

उम्मेदवारहरूले विभिन्न कागजात पेस गर्ने समयमा राजनीतिक दलको सदस्यता नभएको स्वघोषणा गरेको प्रमाण समेत पेस गर्नुपर्ने विनियममा उल्लेख छ ।

प्रकाशित समय : १३:२५ बजे

प्रतिक्रिया दिनुहोस्

सम्बन्धित शीर्षकहरु