स्थानीय बजारमा सुनको मूल्यमा सामान्य वृद्धि भएको छ । आज सुन तोलामा एक सयले वृद्धि भएको छ ।

नेपाल सुनचाँदी व्यवसायी महासङ्घका अनुसार, छापावाला सुन प्रतितोला एक सयले वृद्धि भएको हो । बिहीबार प्रतितोला एक लाख ४४ हजार तीन सयमा कारोबार भएको छापावाला सुन आजका लागि भने एक लाख ४४ हजार चार सय निर्धारण भएको छ ।

तेजाबी सुन बिहीबार प्रतितोला एक लाख ४३ हजार छ सयमा कारोबार भएकामा आजका लागि एक लाख ४३ हजार सात सय निर्धारण भएको छ ।

चाँदीको मूल्य बिहीबार प्रतितोला एक हजार आठ सय ६५ मा कारोबार भएकामा आजका लागि भने एक हजार आठ सय ७० निर्धारण भएको छ ।

प्रकाशित समय : ११:१२ बजे