आज बिहान निधन भएकी प्रधानमन्त्री पत्नी सीता दाहालको शव अन्तिम संस्कारका लागि पशुपति आर्यघाट लगिएको छ ।

निधनपश्चात उनको पार्थिव शरीर अन्तिम श्रद्धाञ्जलीका लागि पेरिसडाँडास्थित माओवादी केन्द्रको केन्द्रीय कार्यालयमा लगिएको थियो ।

पार्टी केन्द्रीय कार्यालय पेरिसडाँडामा अन्तिम श्रद्धाञ्जलीपछि सीताको शवयात्रा आर्यघाटका लागि निस्केको थियो । आर्यघाटमा अन्तिम संस्कारको तयारी भएसँगै अहिले सयौँ सर्वसाधारण पनि जम्मा भइसकेका छन् । पेरिसडाँडाबाट शवयात्रा सुरु हुनुअघि नै आर्यघाटमा अन्तिम संस्कारका लागि तयारी थालिएको छ ।

आज बिहान नर्भिक अस्पतालमा सीता दाहालको निधन भएको थियो । पेरिसडाँडाबाट उनको शव पशुपति लगिएको छ । बुधबार बसेको मन्त्रिपरिषद बैठकले दाहालको अन्त्येष्टि राष्ट्रिय सम्मानका साथ गरिने निर्णय गरेको सरकारकी प्रवक्ता सञ्चार तथा सूचना प्रविधिमन्त्री रेखा शर्माले जानकारी दिइन् ।

प्रकाशित समय : १४:३३ बजे