नेपाल ब्याडमिन्टन संघको तत्वावधानमा वाग्मती प्रदेश ब्याडमिन्टन संघ तदर्थ समितिले तेस्रो प्रधानमन्त्री कप खुला राष्ट्रिय ब्याडमिन्टन प्रतियोगिता असार १३ देखि आयोजना गर्ने भएको छ ।

नखिपोट ब्याडमिन्टन सर्कलको कभर्डहलमा हुने प्रतियोगितामा महिला र पुरुष एकल, पुरुष युगल, पुरुष भेट्रान ४५ वर्षमाथिको युगल, यू–११, यू–१३ र यू–१५ छात्र/छात्रा गरी १० विधामा प्रतिस्पर्धा हुने प्रतियोगिता संयोजक तथा आयोजक संघका अध्यक्ष रुद्र थिङले जनाए ।

असार १६ सम्म हुने प्रतियोगितामा राष्ट्रिय खेलकुद परिषद्को मुख्य सहयोग रहनेछ । योनेक्स सनराइज इनास इन्टरप्राइजेजको मुख्य सहयोग रहने जनाइएको छ ।

अनुमानित १४ लाख ४१ हजार लागत रहेको प्रतियोगितामा कुल पुरस्कार राशि ५ लाख ३३ हजार छ । पुरुष र महिला एकल तर्फ प्रथम, द्वितीय र तृतीय हुने खेलाडीले क्रमशः ५० हजार, २५ हजार र १० हजार प्राप्त गर्नेछन् । पुरुष युगलतर्फ शीर्ष तीन विजेताले क्रमशः ४० हजार, २० हजार र ८ हजार, भेट्रान्स विजेताले क्रमशः ३० हजार, १५ हजार र ६ हजार तथा यू–११, यू–१३ र यू–१५ का शीर्ष तीनका विजेताले क्रमशः १५ हजार, १० हजार र ५ हजार प्राप्त गर्नेछन् ।

प्रकाशित समय : ०७:०४ बजे