असारको सुरुवातको दिन नै सुनको मूल्यमा वृद्धि भएको छ । शुक्रबार सुन तोलामा ८०० रुपैयाँले बढेको हो । चाँदीको पनि यस दिन प्रतितोला २० रुपैयाँले महंगिएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख एक हजार ८०० रुपैयाँमा र तेजाबी सुन प्रतितोला एक लाख ११ हजार २५० रुपैयाँमा पुगेको छ ।

जेठको अन्तिम दिन भने सुनको भाउमा गिरावट आएको थियो । हिजो सुन तोलामा ८०० रुपैयाँले नै घट्दा प्रतितोला एक लाख ११ हजार रुपैयाँमा कारोबार भएको थियो ।

यसैगरी, चाँदीको भाउ पनि शुक्रबार उकालो लागेको छ । आज चाँदी तोलामा २० रुपैयाँले बढोत्तरी हुँदा प्रतितोला एक हजार ४२५ रुपैयाँमा खरिदबिक्री भएको थियो ।

बिहीबार भने चाँदी सस्तिएको थियो । हिजो चाँदी प्रतितोला २० रूपैयाँले बढ्दा एक हजार ४०५ रूपैयाँमा झरेको थियो ।

प्रकाशित समय : १२:४२ बजे